倫住蒸倫哥私房菜 (已結業)

蒸海鮮@太子上星期見呢道新開張，有成八種海鮮都係每人 $238 再七折，就同咗屋企人嚟食蒸海鮮。啲嘢質素都幾好，服務仲無得彈𠻹，呢道嘅蒸鍋係有計時，侍應一聽到個鍋響就會過嚟分海鮮，完全唔使自己動手又唔會 overcook前菜竟然係鮑魚同花膠，會唔會太勁？一人仲有一盅老火湯，湯料好足，好滋潤～每樣海鮮都可以自選醬料去蒸，同埋側邊都會配一啲時蔬。龍躉腩清清哋已經足夠，因為魚肉好鮮甜，而且勁滑！生蠔好飽滿，蒸完都無縮到好細，仲係大大隻，今次就伴咗荷蘭豆。貴妃蚌用咗蒜蓉粉絲去蒸，好惹味 啲蝦開完邊每邊都幾大，揀咗用蒜蓉去蒸，蒸蝦香口又好彈牙！奄仔蟹爆哂膏，真係好吸引～ 隻蟹望落唔大，但蟹肉食落原來都幾多，非常鮮味。連龍蝦箝都好巨型，可以成條肉叉出嚟食好霸氣 龍蝦肉好結實，好食～睇 menu 嗰陣都唔係好 picture 點樣鮮魷蒸腸粉，不過撈埋啲甜醬麻醬又幾好味，好似魔性咁搞到我食唔停 到最後仲有個荷葉蒸飯，成盤盤菜咁豐富，真係食到飽飽～甜品黑糖冰涼粉係透明㗎，屋企人話係倫哥版水信玄餅，笑死 呢個冰涼粉清甜冰凍，好消滯。