樂意點心

營業中

休息中

成個尖沙咀都勁多人，忽然好想食蒸飯，不過夜晚唔多地方有得食，見到呢間餐廳價錢大眾化，雖然都係要排隊，等大約半小時就可以入座，其實都可以接受。超開心竟然有紅蟹蒸蛋白，蛋白超級超級滑，紅蟹好多羔好鮮甜，呢個價錢真係想像唔到尖沙咀地舖竟然可以食到，太精彩了！套餐加$10就可以飲到花甲湯，好香濃，好好味。點心喺呢度全日都可以食到，叫咗春卷同埋鹹水角，鵪鶉蛋燒賣，係小朋友嘅最愛，至於最開心竟然可以食到即叫即炸嘅蛋散，好香脆，份量勁多，有我成隻手臂咁長，真係好好味，做飯後甜品滿足感爆分。