黃金燒味 (已結業)

經過軒尼詩道，見到呢間新式燒味店，門口就是燒味部，大玻璃設計，店內店外，都睇到燒味師傅純熟利落嘅刀法，仲有令人垂涎欲滴的立立令叉燒。-店內裝潢以木色及綠色為主，部分牆身用水松板設計，連枱頭的紙巾架也充滿設計感，感覺時尚舒適。-甫坐下，店員便很親切地送上每人一小碟涼拌木耳。-這裏除了有一般的燒味碟頭飯，還有各種套餐，我們選了這個二人套餐（$208），非常豐富，有燒味雙拼，蒸魚、白飯/粉麵、湯、飲品、還送了涼拌滷水拼盤及時菜一碟。我們加了$25把老火湯升級做蟲草花燉圓肉杞子雞湯，感覺非常自然，似屋企煲，唔咸，而且非常大碗！燒味分量唔算好多，我哋揀咗燒鵝同埋加$5要咗肥燶腩叉，淋了醬汁的燒鵝幾惹味，肉質結實。腩叉肥瘦相間，是最美味的部位，蜜汁重，濃邊的位置脆硬，帶微微焦香。-相對起燒味，我覺得蒸魚更見出色，想不到這樣的價錢能有這麼大條魚，好抵。在倉魚和盲曹當中，我們選了盲曹，蒜蓉豉汁很美味，魚肉嫩滑，新鮮美味。-送的涼拌滷水拼盤及骨湯浸時蔬。-我覺得這裏的飯和瀨粉份量真係好大！男人食都應該會好飽，女人食可以考慮叫少飯。粉麵湯底味淡，好難得！感覺健康自然，喜歡！重口味人士也可自由使用桌面的鹽和