影片
更多
2011-04-03
17 瀏覽
日式炸豬扒時不時都有過江龍到港開業，但似乎未有一間可以動搖丼吉嘅老大哥地位。今次在食友S嘅推介下，再次到中環The Loop 11/F試菜，目標要試嘅係呢間剛開業嘅Ichigo日式炸豬扒專門店，就睇下呢間草莓炸豬扒(Ichigo日文解作草莓)又可唔可以繼豚組，銀座梅林之外，成為香港另一股吉列新勢力？星期六中午到來正係餐廳開張後第二日，雜誌傳媒宣傳似乎唔多足夠，整個午餐時間亦只有我們一檯客人，所以今次體驗有如包場一樣，加上餐廳裝修設計唔錯，落地玻璃窗加上全木製餐檯椅，令人感覺非常舒服。由於剛剛開業，侍應解釋食品選擇唔多，而且午餐跟晚餐亦暫時係同一個餐牌。餐牌上只有９款吉列炸豬扒，一款吉列炸安格斯牛柳同埋兩款炸海鮮，而飲品亦只有免費嘅麥茶同埋索價$28一支嘅波子汽水，當然對於有選擇困難症嘅我，反而係一件好事啦！最後在笑容可掬嘅負責人介紹下，選叫左兩款Signature套餐，特級吉列炸豬排SET同埋千層炸豬扒排SET。待餐期間在餐廳不停拍照，見到每一張檯上面都有兩支一高一矮嘅調味料，負責人解釋下得知高果支係食店特別秘製嘅吉列豬扒醬汁，而矮果支就係柚子岩鹽，雖然岩鹽主要用來配搭吉列海鮮，但用來
星期六中午到來正係餐廳開張後第二日，雜誌傳媒宣傳似乎唔多足夠，整個午餐時間亦只有我們一檯客人，所以今次體驗有如包場一樣，加上餐廳裝修設計唔錯，落地玻璃窗加上全木製餐檯椅，令人感覺非常舒服。
由於剛剛開業，侍應解釋食品選擇唔多，而且午餐跟晚餐亦暫時係同一個餐牌。餐牌上只有９款吉列炸豬扒，一款吉列炸安格斯牛柳同埋兩款炸海鮮，而飲品亦只有免費嘅麥茶同埋索價$28一支嘅波子汽水，當然對於有選擇困難症嘅我，反而係一件好事啦！最後在笑容可掬嘅負責人介紹下，選叫左兩款Signature套餐，特級吉列炸豬排SET同埋千層炸豬扒排SET。
待餐期間在餐廳不停拍照，見到每一張檯上面都有兩支一高一矮嘅調味料，負責人解釋下得知高果支係食店特別秘製嘅吉列豬扒醬汁，而矮果支就係柚子岩鹽，雖然岩鹽主要用來配搭吉列海鮮，但用來蘸上豬扒食都唔錯的！
套餐比散叫多一碗湯跟白飯，唔好以為只係一般麵豉湯咁簡單，呢度供應嘅係豚汁。豚汁(とんじる)跟味噌湯都係日本常見家常菜餚，但就改用白味噌，再加入豬肉，紅白蘿蔔，魔芋及牛蒡等，材料豐富，份量十足，味道亦唔錯。
隨豚汁之後送上特級吉列炸豬排($180)，厚厚嘅豬扒從切面所見肥瘦均勻，外層炸得香脆，但麵包糠脆漿略嫌有甩漏，要扣少少分。幸好店方事後索油功夫做得足夠，食落唔會覺得有油膩熱氣感覺。豬排肉質咬落鬆軟得黎有嚼頭，就算唔加秘醬亦非常好味，水準比起豚組同銀座梅林好得多了...
要消除炸物油膩感覺，附上嘅椰菜絲絕對幫到你手。草莓開業後已提供椰菜絲無限次免費添加服務，爽口清新嘅椰菜絲混上芝麻醬，味道不俗，唯一美中不足係芝麻醬較稀，淋上椰菜絲已有如流水般散在碟面，椰菜絲索汁能力差之下，應該用濃杰一點嘅醬汁會較適合，呢方面老大哥丼吉做得非常好，其他對手如要爭上位的話，呢啲細微細眼野真係要努力改善一下。
除左椰菜可以添加外，白飯亦係可以免費任你加。呢度嘅白飯選用新潟田牧米，每粒飯粒圓潤分明，口感煙韌帶點飯香，好味到不得了，我亦忍唔住破例食左兩碗白飯。跟侍應言談得知，佢地稍後時間可能每添加一碗白飯另加收$10，用作日本311地震賑災籌款用途之作，如果真係成事的話，大家不妨到來支持一下。
另一份套餐就係千層炸豬排配魚春醬($188)，所謂魚春醬其實即係明太子，如果唔中意明太子嘅朋友，則可以選擇配蔥，大蒜芝士或者泡菜。本來大蒜芝士係目標之選，但對明太子果種濃郁辛辣感覺又非常吸引，最後送到上檯時，知道選擇係正確的...
千層炸豬排跟之前特級吉列炸豬排外型好唔同，一層層切成薄片嘅豬扒捲埋一齊，內層加入份量十足嘅明太子，圓圓一條咁蘸上脆漿去炸，食落層次感較為豐富，肉味濃郁好好味。明太子微辣中帶一點鹹鮮，跟炸豬扒配合起上黎效果唔錯，在切面灑上少少柚子岩鹽會令鮮味更提升，或者仲會有意想不到嘅抗幅射效果～哈哈！Ichigo仍然係新開張階段，以食物同服務質素黎講，已做得令人非常滿意。負責人在餐後細心聆聽小弟意見之外，亦對不足之處多番道歉，並送上一大堆折扣優惠劵，特此多謝。其實所謂不足之處或者只係本人較為挑剔，當然我亦希望小弟嘅一份意見，可以幫到呢粒草莓長得更甜更好味！
張貼
