元朗冰室

營業中

休息中

有陣時鍾意食一樣野都好似毒癮咁樣，久唔久都會發作，唔食個心就會囉囉攣，食完又會好開心，好似中咗六合彩咁，其實自從識咗幾次厚切豬扒，我成日見到近似既餐廳名都會諗起，但係今日就好似發現新大陸咁，唔再食all day breakfast, 轉下新口味，因為見到有一個厚切豬扒雙拼飯餐，好耐冇食過蓮藕餅，一於試吓，呢一個餐有1塊厚切豬扒，已經有情意結我唔再多作介紹，有2塊蓮藕餅，炸到脆脆既4方型，肉同蓮藕份量比例各佔一半，最值得介紹係豉油汁，一種係傳統嘅甜豉油加油，香噴噴淨係呢一碟豉油已經可以食兩碗飯