蓮香樓 (已易手) 新餐廳

呀媽退左休之後就好得閒, 成香港可以周圍去, 於是今日出發去佢細過成日出沒的地方--中環, 去慢行,慢食, 慢走。我地特登揀下午茶時間先去蓮香, 起碼成個區D人食完午餐都會少人D在街上。雖然街係少左人, 但係其實蓮香一樣gam 多人, 遊客慕名而來, 熟客長期 此為食堂,所以都等左一陣位。下午茶時段炒粉面一D都唔貴.黎得舊式酒樓, 當然要叫D 有鑊氣的食物 (因為自己煮唔到呀麻)我地叫左生炒牛肉飯, 飯粒條條分明, 每條都有蛋汁均勻''上色''唯一美中不足的是隔離檯熟客碟炒飯份量比我地多。之後仲叫左臘腸卷, 好味。