影片
更多
2022-07-13
534 瀏覽
好耐無返過士美菲路啦！仲就得初初返香港第一份長工就係喺呢頭返工，嗰時連地鐵都未有，港島返港島每日都要成個半鐘一程，真係留下陰影，但依家唔同晒啦，地鐵士達好方便！今日搭地鐵一陣就到，士美菲路仲有出口2分鐘就行到，發現開多咗食肆，岩晒，肚餓！天氣熱，想食餃子飲凍野！餃掂仲有分店，好新淨光猛，一於食佢！職員推介我地試吓枱上呢樽酸蘿蔔，食落好爽脆又酸度適中，幾開胃。《至尊松茸豬肉餃 $80/8只 》(跟狀元九鼎湯)餃子、狀元九鼎湯、松茸醬分開碟，好細心。肉餡滿滿好大粒，肉汁香，加埋松茸醬好提味，皮又夠薄仲帶煙韌感，食前仲可以放喺湯中濕潤一下先～ 而魚湯好清甜，完全零味精，連鹽都無落，全部精華夠滋補。《壽喜燒牛肉餃 （煎）$58/7只）聽見就覺得好惹味，煎一定夠晒可口！咬開即唧出香甜肉汁，皮又脆口，好味道！《雲吞湯麵 $50/12隻》用上陽春麵幼身掛湯，湯底零味精偏淡口，正好突出一口雲吞嘅鮮味。雲吞嘅肉餡都鮮甜，皮又薄，有12隻好夠食。《 蜜棧雞翼$32/5隻 》雞翼大隻，入味而味道甜甜幾惹味。《日本龍鳳蛋 （配黑白松露醬）$18/1隻；$32/2隻）第一次食呢款配搭，日本溏心糖清甜香糯，開邊蛋
好耐無返過士美菲路啦！仲就得初初返香港第一份長工就係喺呢頭返工，嗰時連地鐵都未有，港島返港島每日都要成個半鐘一程，真係留下陰影，但依家唔同晒啦，地鐵士達好方便！
今日搭地鐵一陣就到，士美菲路仲有出口2分鐘就行到，發現開多咗食肆，岩晒，肚餓！
天氣熱，想食餃子飲凍野！餃掂仲有分店，好新淨光猛，一於食佢！
職員推介我地試吓枱上呢樽酸蘿蔔，食落好爽脆又酸度適中，幾開胃。
《至尊松茸豬肉餃 $80/8只 》(跟狀元九鼎湯)
餃子、狀元九鼎湯、松茸醬分開碟，好細心。
肉餡滿滿好大粒，肉汁香，加埋松茸醬好提味，皮又夠薄仲帶煙韌感，食前仲可以放喺湯中濕潤一下先～
而魚湯好清甜，完全零味精，連鹽都無落，全部精華夠滋補。
《壽喜燒牛肉餃 （煎）$58/7只）
聽見就覺得好惹味，煎一定夠晒可口！
咬開即唧出香甜肉汁，皮又脆口，好味道！
《雲吞湯麵 $50/12隻》
用上陽春麵幼身掛湯，湯底零味精偏淡口，正好突出一口雲吞嘅鮮味。雲吞嘅肉餡都鮮甜，皮又薄，有12隻好夠食。
《 蜜棧雞翼$32/5隻 》
雞翼大隻，入味而味道甜甜幾惹味。
《日本龍鳳蛋 （配黑白松露醬）$18/1隻；
$32/2隻）
第一次食呢款配搭，日本溏心糖清甜香糯，開邊蛋上各放咗黑、白松露醬，蛋甜同松露醬味道原本幾夾。
呢度嘅支裝凍飲都好正
《蜂蜜檸檬薏米水（凍）$28/支》
大支又多薏米，蜂蜜檸檬味平均，唔會過酸或太甜。
呢度啲職員有禮貌又上菜快，同埋新店環境都坐得舒適。
張貼
