影片
更多
2022-05-20
983 瀏覽
中環區出名嘅餐廳之一 一定係呢間 「一起食堂」Lunch time黎都多人 好在今日book定枱Menu選擇多 湯麵 飯 拌麵 小食 多款飲品 芋圓甜品雖然唔包飲品 但係加飲品可以+$12 平咗一半同埋每個包兩款前菜加一個甜品▶️ 前菜好似唔係日日一樣 今日係枝豆同中華沙律枝豆連皮 同埋冇加鹽調味 所以冇乜味 但幾爽口中華沙律鹹啲 好食😋▶️ 蔥油雞肉乾拌麵 ($79)份量大 麵好足 上面啲雞肉都唔少落咗啲好似麵豉嘅啡色醬 然後灑上蔥花 炸蒜 香蔥🧄另外仲有一隻滷水蛋 同一條白菜隔離附上一碗紫菜湯麵質比較硬身 同烏龍麵明顯唔同 望落扁啲實色啲佢唔煙韌彈牙 但質感唔錯 幾滑身 覺得有少少似linguine意粉🍝🐔雞肉算淋 略略鞋身 同埋有少少皮 不過撈埋一齊食係ok嘅滷水蛋非流心 但係好入味 而且蛋白位夠厚身 好似鐵蛋咁🥚幾好食唯一係冇乜蒽油味 原先麵比較乾身 所以一開始有少少一舊舊難撈 我自己就加咗啲紫菜湯落去食 一樣ok😋▶️ 泡芙甜品味道一般 因為唔係凍食 所以冇好似雪糕咁嘅效果入面全部cream 本身冇乜特別味▶️酥炸地瓜條 ($38)必試小食 一碟都幾多同一般西式快餐店嘅蕃薯條唔同🍠呢
Lunch time黎都多人 好在今日book定枱
Menu選擇多 湯麵 飯 拌麵 小食 多款飲品 芋圓甜品
雖然唔包飲品 但係加飲品可以+$12 平咗一半
同埋每個包兩款前菜加一個甜品
▶️ 前菜
好似唔係日日一樣 今日係枝豆同中華沙律
枝豆連皮 同埋冇加鹽調味 所以冇乜味 但幾爽口
中華沙律鹹啲 好食😋
▶️ 蔥油雞肉乾拌麵 ($79)
份量大 麵好足 上面啲雞肉都唔少
落咗啲好似麵豉嘅啡色醬 然後灑上蔥花 炸蒜 香蔥🧄
另外仲有一隻滷水蛋 同一條白菜
隔離附上一碗紫菜湯
麵質比較硬身 同烏龍麵明顯唔同 望落扁啲實色啲
佢唔煙韌彈牙 但質感唔錯 幾滑身 覺得有少少似linguine意粉🍝
🐔雞肉算淋 略略鞋身 同埋有少少皮 不過撈埋一齊食係ok嘅
滷水蛋非流心 但係好入味 而且蛋白位夠厚身 好似鐵蛋咁🥚幾好食
唯一係冇乜蒽油味 原先麵比較乾身 所以一開始有少少一舊舊難撈
我自己就加咗啲紫菜湯落去食 一樣ok😋
蔥油雞肉乾拌麵
$79
61 瀏覽
0 讚好
0 留言
▶️ 泡芙甜品
味道一般 因為唔係凍食 所以冇好似雪糕咁嘅效果
入面全部cream 本身冇乜特別味
▶️酥炸地瓜條 ($38)
必試小食 一碟都幾多
同一般西式快餐店嘅蕃薯條唔同🍠
呢個入面嘅地瓜好蓉 然後外面一層香脆薄炸粉
一咬就爆出甜甜地嘅蕃薯蓉👍🏻
當甜品食都可以！勝在炸得乾身唔油膩
酥炸地瓜條
$38
18 瀏覽
0 讚好
0 留言
▶️愛玉荔枝綠茶 (+$12)
底部嘅愛玉原先係啫喱咁 同一般飲開嘅寒天唔同
呢個比較淋身 冇咁有咬口
但係都幾清涼嘅😌
荔枝綠茶味好出 揀咗半糖都仲幾甜 可能少返啲糖會好啲 不過都幾好飲🧋
愛玉荔枝綠茶
8 瀏覽
0 讚好
0 留言
整體來講都唔錯嘅 雖然可能係地道化咗少少嘅台灣菜 不過好食嘅
建議大家試烏龍麵以外嘅嘢 因為朋友們食話同烏冬一樣 唔係好特別😗
環境相對細咗少少 坐得有啲逼 不過入面裝修嗰啲幾有特色 用台灣電影海報做裝飾🎞
服務態度非常好 有靚女姐姐s 超friendly😍
價錢冇加一 今餐大概$100/人 食得夠飽 中環區黎講算幾好
張貼
