金龍冰室 (已結業)

前幾日晏晝差不多12點嚟到位於觀塘牛頭角道嘅金龍式冰室食晏。好在嗰陣餐廳仍未算太多人所以唔使等位。是日午餐有九款選擇，普遍 $40 幾 $50 幾蚊。揀咗個蔥油雞髀太陽蛋飯配黑椒汁飲凍咖啡，一共$45。賣相都幾靚仔，兩隻太陽蛋煎得十分吸引，雞髀亦都好有光澤，雞脾size正常，旁邊仲跟有少少沙律菜。個醬汁同雞髀味道都OK, 只係個飯比較腍身左少少。凍咖啡味道正常。整體感覺，味道OK，新裝修感覺好乾淨。一般價位，遲D可以再嚟試下其他嘢。