影片
更多
2011-03-03
19 瀏覽
友人請食飯，建議黎呢到。睇食評見賣相唔錯，仲要係有人付鈔，更加無異議。訂左枱，準時到，間野係大廈二樓，有私家電梯，好似幾巴閉，門口有d菜苗，種埋菜，厲害。分享下當日食過既幾款。沙津溫泉蛋三文魚沙津，溫泉蛋係主角，睇賣相都知唔錯。d沙津菜食落幾爽，不過無咩醬，好清。三文魚每片都切得薄薄，盡顯刀功。吞拿魚沙律，這款最好係個醬汁，酸酸甜甜，夠哂開胃，好食。吞拿魚唔係主角，算係不過不失。原個蟹肉番茄，三款入面，個人最喜歡既一款，蟹肉夠惹味，蕃茄鮮爽，仲要係原個蕃茄上，很不錯的一款。湯忌廉湯，幾creamy，未算香濃，幾一般。番茄湯，飲落淡淡地，可能食完原個番茄太濃郁既關係，攪到失色左。洋蔥湯，份量有別其餘兩款，洋蔥芝士幾多下，係三款湯之中最好。小吃豬肉茄子蓮藕片，用茄子蓮藕夾住豬肉，豬肉咬落好韌下，不過這裡的蔬果確係好食，唔要舊豬肉都唔係損失。炸蟹肉忌廉，睇落好似炸過龍，不過食落幾ok，炸皮好薄忌廉唔會好膩，呢款我推介。菠菜奄列，個奄列一滴蛋汁都搵唔到，不過勝在呢到d蔬菜好野，個菠菜真係夠哂清新，如果奄列做好小小，效果會更好。白菜豬肉卷，個豬肉有渣，個汁無咩味，食到停哂手既一款。炸物薯格，餐牌
分享下當日食過既幾款。
沙津
溫泉蛋三文魚沙津，溫泉蛋係主角，睇賣相都知唔錯。d沙津菜食落幾爽，不過無咩醬，好清。三文魚每片都切得薄薄，盡顯刀功。
吞拿魚沙律，這款最好係個醬汁，酸酸甜甜，夠哂開胃，好食。吞拿魚唔係主角，算係不過不失。
原個蟹肉番茄，三款入面，個人最喜歡既一款，蟹肉夠惹味，蕃茄鮮爽，仲要係原個蕃茄上，很不錯的一款。
湯忌廉湯，幾creamy，未算香濃，幾一般。
番茄湯，飲落淡淡地，可能食完原個番茄太濃郁既關係，攪到失色左。
洋蔥湯，份量有別其餘兩款，洋蔥芝士幾多下，係三款湯之中最好。
小吃豬肉茄子蓮藕片，用茄子蓮藕夾住豬肉，豬肉咬落好韌下，不過這裡的蔬果確係好食，唔要舊豬肉都唔係損失。
炸蟹肉忌廉，睇落好似炸過龍，不過食落幾ok，炸皮好薄忌廉唔會好膩，呢款我推介。
菠菜奄列，個奄列一滴蛋汁都搵唔到，不過勝在呢到d蔬菜好野，個菠菜真係夠哂清新，如果奄列做好小小，效果會更好。
白菜豬肉卷，個豬肉有渣，個汁無咩味，食到停哂手既一款。
炸物薯格，餐牌寫薯條，原來係薯格，炸野唔太油膩，很好。雖然係任食，不過都唔係炸定好耐腍哂都上枱果隻，要讚好。
咖哩牛蒡條，咁樣炸都唔太油膩，係有d功夫，牛蒡本身無咩味，用咖哩做醬真聰明，咖哩帶起左成件事，好食。
野菜片，有炸甘薯片同藕片，香口，送酒無得頂。
主菜&澱粉質紅酒燴牛舌，可以講係全晚最濃味既一款，牛舌煮得夠腍，可以的一款主菜。
蒸海鮮蔬菜，係侍應姐姐推介，係呢到既自信作，食左好幾款蔬菜產品，印象都唔錯，呢款蒸蔬菜一樣好，好在夠清夠原味。
天婦羅，不太驚喜，只可以話係穩陣。
溫泉蛋carbonara，係less is more既效果，簡單既carbonara配溫泉蛋，忌廉唔膩，很好。
蒜蓉包，熱辣辣上枱無失手。
甜品豆乳布丁，面頭夠脆，布甸香味微不過滑。
香蕉蛋糕，軟軟既蛋糕配淡淡既香蕉，一般般。
南瓜布甸，不得了，完全唔喜歡既一款，無論質感同埋味都係，質感濕濕地，好梅既感覺。味無咩南瓜味，仲要焗過龍，講完。
洋梨芝士蛋糕，洋梨軟香，芝士蛋糕淡淡，幾好。
朱古力蛋糕，朱古力味唔算濃郁，蛋糕就幾乾硬。
整體有好有壞。好既係唔會因為蔬菜味淡而重手下配料，偏向清淡，不過突出返d蔬菜，很好。唔好既係好幾款想食都賣哂，好似芝士鍋，唔夠盡興。服務可以，環境舒適，任食加左一收三百蚊到。喜歡日式蔬菜，應該滿意。
張貼
