蕃廚 (已結業)

西九龍中心Food Court有咁多好野食當然要幫襯下la😎！蕃廚主打唔同既番茄輕食料理🍅，真材實料有誠意🥰。—————————————————📍芝士流心漢堡肉醬螺絲粉 (8/10)肉醬好足料，除左番茄🍅，仲有海量既洋蔥粒🧅、蘿蔔粒🥕同肉碎🐖。肉醬用左好多時間熬煮🔥，食得出蔬菜天然既甜味😍，唔係求其加茄汁就煮好。番茄🍅味道濃郁，酸酸甜甜好開胃😋。芝士流心漢堡🐷肉質結實、肉味濃厚。裏面芝士🧀超香，拉絲好好食😆。不過螺絲粉就煮得耐左少少，好淋無咩咬口🧐。📍芝士撻 (9/10)芝士撻焗得好香👃🏻，金黃色好吸引🌟。撻皮好濃牛油香🧈，個餡好重芝士鹹香🧀，仲有半流心，邊有人抗拒得到😍？