新仙清湯腩咖哩專門店 (已結業)

因為「米芝蓮」呢三隻大字黎幫襯，食嘅唔係最招牌嘅牛腩，反而試左蕃茄豬肝飯，因為聽落好鬼有益，啱晒我呢亭成日手腳冰冷嘅人喺冬天進補～其實豬肝湯要做得好味一ｄ都唔簡單，豬肝要揀新鮮爽嫩不在話下，湯同樣都要鮮甜，一但控制得唔好，就好容易食到內贓嘅腥味～呢度嘅蕃茄豬肝湯就認真抵讚，豬肝切得厚薄均勻，分量又夠食，入口粉嫩鮮滑，連埋蕃茄一齊食，非常美味，開胃又有營養，唔食牛嘅人黎到呢度都唔驚無選擇，good~!!!另外都點左脆卜卜嘅炸雲吞，非常香口，咬一啖外脆內軟，肉餡新鮮多汁，入面有大蝦，彈牙又足料，點埋泰左甜辣醬就真係無得頂～