新仙清湯腩咖哩專門店 (已結業)

傳說中好味過九記，係油麻地呢間新仙清湯牛腩，蔡蘭推介，真係必屬失敗之選，又話米芝連，無牛腩的咖喱牛腩飯⋯⋯可能今日太早到，D飯竟然係我最怕，未收水濕漉漉⋯⋯ 成碗都只係汁，只係有一兩粒細過1cm嘅牛腩乍，真係諗唔到咁都可以俾人食⋯

肚餓找食。係門口個餐牌只註明飯餐，而食物價格好貴，百幾蚊一個牛腩飯。係呢區個價格有點離地。隨後見到原來有麵食，價錢四五十蚊碗，總算合理點，去一試。入店前一刻才睇到佢哋曾攞過3年米之蓮。食物送到，第一個反應嘅係，點解牛腩只有4件? 兩件蘿蔔都合理，河粉會唔會太多? 一飲湯底，味道適中好味，飲後唔覺口喝。河粉柔軟，但太多。牛腩軟熟，每件邊緣都帶有牛脂肪，唔騷，有一件好有牛腩的脂肪香味。咖哩牛腩配河粉有點奇怪，咖哩越食越辣，牛腩軟熟，可惜食唔到牛嘅香味，仲有非常淋嘅薯仔。凍檸茶少甜，茶底味不足，下次都係走甜比較好。有個亞姐是員工，她講野好大聲，講私人野講到怒氣。本身食店環境清靜，好可惜亞姐咁樣影響食客心情。

D食物真心一般D阿姐超冇禮貌，正一垃圾，不用試。食到一半，叫我換枱，本來都ok 嘅，將就吓。正當我搬緊位嘅時候,突然聽到有個阿姐勁冇禮貌咁同我講唔係四個人做乜坐四人枱。完全冇理個食客感受囉，一肚氣就有份。勁趕客，仲有D阿姐全部圍埋一齊喺度吹水叫過幾次落單都冇人應

其實咖哩不一定是配牛腩飯，咖哩可以配魚柳飯/猪扒飯，配河粉亦得，牛腩也可以配清湯/番茄/藥膳/麻辣等等。裝修前真係很殘舊，估不到裝修好已經兩年多了，我才再次來幫襯，果然地方靚咗，坐得舒適咗很多，食物碟和托盤美觀又的骰，服務員招呼好或不好，就見人見智，最緊要食物保持到同以前一樣咁好味。好想問佢哋啲咖哩裡面是加了什麼，變成咖哩蓉，這種質感撈落去啲飯度，真係好特別，咖哩辣度適中，好令人回味，唯一問題係啲薯仔質素很差。

早兩日星期日行街喺油麻地附近，朋友話有間清湯腩唔錯，反正我又想食啲濕濕地嘅嘢，一於咁話啦！😎望下個餐牌，好多牛腩嘅選擇，不過我哋都係揀返最傳統嘅坑腩同爽腩。坦白，我真係分唔到邊隻打邊隻，兩款嘅肉汁都好香，質地好林滑，每一件牛腩既size 唔大唔使啱啱好，可以令我食得好斯文😛😛另外我再嗌多咗個六小碟拼盤，啲酸瓜、酸蘿蔔都好好食，個花生好香口，其實我真係好鍾意餐廳有呢啲小店小店嘅選擇，可以令到我呢啲貪心嘅人試多幾款菜式😋🥳呢間都唔錯，而且地點都近地鐵站嘅，下次可以再嚟！

又貴份量又少咖哩初初都好食嘅但近年已經唔同咗味道啲咖哩，港式東南亞式唔係印度/巴基斯坦咖哩又唔係……完全唔掂，中辣都唔辣，接近難食小食胡椒牛尾，得嗰三小「粒」就要收三十幾蚊為起成十幾蚊一粒……離譜蜆芥鯪魚球完全無魚味，咬落仲淋bet bet執剩一間，不如執埋佢算喇唔會再幫襯

話說今日同事第一次用外賣APP叫外賣，咁說一齊試下，我地幾個人有叫牛腩麵有叫CURRY牛腩，好喇，平均每個8至90蚊，入正題，味道係一般，我覺得周街D粉麵檔好佢好多，第二呢個價錢，哇，粉麵得4塊牛腩，係塊！CURRY牛腩就細細兜薯仔牛腩各半都係兩，三粒大其他碎濕濕咁，薯仔猛料完全唔入味，個CURRY都食唔出佢講既落左咁多野煮，離曬譜，最勁係，+3蚊杯凍飲，暖飲咁，冇冰仲要熱熱地，冇野呀大佬？咁既垃圾呃人食勸導各位有心理準備

今天特別想食牛腩立即上網搜尋，發現新仙清湯牛腩被列入在內，油麻地近我中午就去試試看。新裝修店舖光猛整潔，乾淨舒服，服務姐姐態度好有禮貌。🥢招牌清湯牛腩米粉 $50先嚐一口湯底清甜可口有牛骨香氣，牛腩入口鬆化肉汁豐盛，軟腍中又不失嚼勁，白蘿蔔同樣清甜無渣，米粉吸盡湯汁好食到停不了！😋🥢慢煮紅燒牛筋腩粉絲 $50這是同事的外觀有點油膩，嚐了牛筋算是香軟，不過牛腩就有點鞋口有渣，紅燒汁都比較鹹了一點，兩者之間我比較喜歡我的清湯牛腩。😂午餐有飯有麵包一杯熱飲價錢不貴。

今天和朋友在網上搜尋，找到這家米知蓮的清湯腩餐廳，於是便去試試。由於下午茶時段，還有八八折，挺划算的。我們叫了一個招牌清湯腩河粉，慢煮紅燒牛筋腩河粉，還叫了沙嗲牛腩河粉。咖喱牛腩湯河，咖喱味香濃，配上香滑的牛腩，再加上河粉，這個配搭十分好。紅燒牛筋腩味道也很好，牛味很突出，好吃。清湯腩上來的時候，先嚐一口他的清湯，湯頭清甜，明顯有牛肉的精華，配上河粉10分好吃，唯一牛腩若能再嫩一些就更好了，但總的來說，值得一試。

因網上見某雜誌推介便試一試。這次我點了網上推介的咖喱牛腩飯（爽腩）、新仙脆皮牛腩、炸雲吞和清湯腩河。咖喱爽腩絕對不辣，牛腩煮得不夠耐，很難咬開。炸雲吞只是不過不失之作，唯一可讚的是蝦肉很新鮮。脆皮牛腩是唯一驚喜，可是咬下去時感到有碎骨混在其中的感覺。另外清湯腩的腩依舊很難咬開，唯一可讚是湯底做得好，可是蘿白削皮不足，引致有渣，可惜可惜！總括而言，其實不太值得由屯門走出來吃，味道可算不過不失，要是路過想試試脆皮牛腩還可以。這間主打牛腩菜式，可是把牛腩弄得如此的質素，可說是令人失望，可能是疫情關係，員工偏向掛著聊天而疏忽了客人，在這種社會氣氛也不做好服務態度，很難經營下去。

同老公覓食, 見到呢間米之蓮牛腩米! 入到去發現原來有下午茶喎! 清湯腩個湯底真係幾清, 不過以下午茶份量黎計, 有幾舊牛腩, 唔肥唔瘦, 岩岩好! 特別一讚係隻雞翼係即炸既! 好香好熱辣辣! 出奇地高質! 

今日4月10日，行過見到呢間新仙裝修幾好，重寫住米芝蓮進介，好似好得好惦，一開始只是想叫牛腩河，想想下，可能佢d牛腩好得，就叫左一個單人套餐，價錢119,絕對不平，有三個小食，一個湯，二份牛腩，可以選味道，我選了麻辣燙同清湯，上菜速度快，賣相ok，小食唔講，都咁上下，青瓜果d。入正題，個湯坦白講ok劣評的地方開始1.二份牛腩加上黎得十件，呢個價錢，認真少囉，一碗粉都6件左右，賣40元碗😅重話無限添飯，咪玩啦，食一碗飯都唔夠牛腩2.牛腩好難食，太瘦了，又無味，d肉勁老😔3.蘿蔔一定末夠時間，唔淋，又系無味4.麻辣味牛腩，完全唔麻辣，系清湯加幾點辣油就，，，，，，可以再求其啲😡

讚1. 環境好企理，真係去咁多間都無呢間咁靚仔2. 野食好骨子，藍莓雪梨既頭盤好爽甜，咖哩牛腩既咖哩好香口，唔死辣，薯仔好好味！牛湯幾香濃，仲要勁大壺，無乜味精，好味道噃，西洋菜蜜好足料3. 白飯仲要任加彈1. 清湯腩既腩似乎厚左啲啲，入口有啲黏牙，要改善下，頭盤既花生係腍晒既，唔得噃2. 姐姐都係分開啲客好少少，唔夠1.5米會罰錢架

和以前的新仙最大分別的是, 她店舖的裝橫變得更整齊而光鮮, 以牛腩麵食小店來說已經夠高級, 應該是為了再見吸引米芝連一眾評審的胃口. 來到這裏一定要點她不同部份的牛腩, 接近華南的價錢 , 但依然比九記的便宜. 爽腩河的爽腩夠肥夠滑, 上下兩層皮清晰可見, 湯頭在外表和味道上也夠清. 可惜的是河粉煮得很糊爛, 完全夾不起來, 很不滿意. 至於脆皮牛坑腩反而令人驚喜, 脆皮平均分布而且厚薄適中, 配上花椒的麻辣也夠美味, 最重要是牛腩依然保持腍身而Juicy, 果然不負其牛腩專家之名. 只是河粉真的差得令人跌掉眼鏡呢!

招牌牛腩雙人套餐 $199二人套餐都幾多野食，有前菜拼盤六小碟，健康三色菜，牛腩三款，牛腩湯，白飯和飲品。鐘意佢全部細細碟，多款式可以每樣都試下。清燉牛腩湯即係清湯腩的湯底，牛味濃而且唔油膩。更特別之處係佢用茶壼上，一杯逐一杯咁飲都幾過癮。新仙六宮格頭盤小菜六小碟，有秋葵、小番茄、青瓜、花生、木耳同藍莓醬梨，夠特別又 fresh, 睇得出好有心思，欣賞佢。牛腩六選三，我地揀左紅燒+ 咖哩 + 清湯。紅燒夠惹味又唔油膩，除左牛腩仲有牛筋亦好入味，紅燒汁用來撈飯真心正。而咖哩就夠香夠辣，出奇地唔係港式咖哩，反而有少少印度咖哩的風味，有驚喜。清湯伴半肥瘦牛腩，睇得出係最靚的部位，仲有少少胡椒香的蘿蔔，冇得輸啦！三色菜除左肉肉，亦有三款菜菜，夠健康套餐包飲品，除了一般的檸茶奶茶之外，仲有好多特色飲品。試左咸檸蜂蜜，夠潤喉，呢個時候飲返杯，有病醫病，冇病強身，一流噃！環境亦乾淨闊落，會再來試其他野。