小火焰韓式咖啡廳 (觀點中心) (已結業)

今晚8點幾先食晚飯，去咗觀塘小火焰，直入唔駛等位，叫咗幾樣食物，好快黎到送上枱。蕃茄沙律：蕃茄多汁，酸酸甜甜，調味恰到好處，雜菜亦新鮮，面頭啲黑醋和芝士粉，增添了香味。煎餃子：一客6隻，細細隻煎得甘香，醮醋食剛剛好。餡料由菜肉拌成，不是韭菜，很好，唔怕有朋友唔食韭菜。蜜糖提子炸雞，半份都有4大件，份量足。蜜糖不是佈滿整個外殼，唔駛擔心會太甜。提子加在炸雞面，扲起炸雞掉了提子🙈...芝士炸雞，都係半份有四大件。芝士醬淋喺面，都幾香幾好味。