蕃滿門 (已結業)

最近九展有mirror演唱會，聽講鏡粉們好有心機整左好多佈置，決定放lunch走過去感受下。咁睇還睇，醫肚仔最緊要。作為蕃茄湯底愛好者，一上電梯就俾蕃滿門吸引左，一睇就知佢主打蕃茄，決定試一試佢。叫左個蕃茄烏冬加雞軟骨餃子，一黎到就見到紅紅的蕃茄湯底，飲落又幾好味！唔會太酸，甜甜地，有蕃茄蓉，而且比出面既蕃茄湯底濃，唔錯。朋友叫左芝士漢堡，睇落都好唔錯，好多芝士，下次可以試下。