熊本牛鍋 (永勝商業中心)

營業中

休息中

喺尖沙咀睇完戲，嚟到山林道永勝中商業中心2樓，呢間專食牛肉火鍋嘅熊本牛涮鍋食美國牛肩胛放題。幾款湯底之中，我同朋友都覺得蕃茄湯同牛肉係最夾，揀左呢款蕃茄薯仔豚骨濃湯，湯底橙紅色，滾起散發濃濃蕃茄酸味，未食就已經流曬口水啦。牛肉片望落都幾新鮮色澤鮮艷紅，仲佈滿油花，薄薄一片，淥一陣就食得。除左牛肉以外，呢度仲有各款丸、餃、蔬菜同甜品。對女生而言，甜品都係任食火鍋嘅一大重點，呢度就有迷你泡芙同幾款口味嘅自家製雪糕。