居食屋「和民」 (已結業)

放假天, 最喜歡就係去葵芳這間和民食晚飯, 因為夠近, 又有多款小食, 味道又頗好。前幾天去了試"蕃茄蜆肉意粉", 個賣相幾好, 幾大碟,但難食到嘔返出來。我自己對食物冇咩要求, 只要放得入口ge我都食得落肚, 咁樣嘔返出黎既食物都係第一次, 真係俾錢買難受。諗住叫個服務員睇下可唔可以退左碟意粉, 或換其他小食, 但個服務員諗都唔諗都話: 小姐, 呢碟意粉本來d味就係咁ga wor。咁既然佢咁講, 我就算la, 不過我唔會再食呢碟意粉但係都有d小食係必食, 芝士煙肉丸子: 好有芝士味, 我每次去都有叫黎食。雞翼串燒: 熱食超好食, 芝士年糕都幾好食。