蕃滿門 (已結業)

係九龍灣返工其實食飯選擇唔多，特別返展貿中心哩到，出返去都無左好多時間⏰。平時就經常光顧哩一間蕃滿門，因為選擇多而且份量都ok👌🏻。今次就揀左佢個蕃茄芝士焗豬扒薑飯，再配個女士恩物黑糖薑母茶。佢既焗飯其實我覺得仲好食過佢蕃茄湯麵🍜。好濃既蕃茄醬汁味道同蕃茄肉🍅，豬扒尚算鬆軟但肥肉較多。個薑飯係精髓，有辛香既薑味，同蕃茄味出其咁夾，仲要加埋表層恰到好處既芝士🧀，真係唔錯。至於薑母茶就見到一舊黑糖方塊即沖係水，味道濃烈好滿足🤩。不過要留意既係焗飯會比一般蕃茄系列粉麵等耐啲，要預早少少到如果想食焗飯既朋友。