Candies Foodies (已結業)

呢間名符其實係小店，以前店舖得黑白灰，係男人主理，依家重新裝修後，門面起眼咗，由兩位女士負責，又多咗啲掛飾，但堂食依然只有4個面壁位~還好今日一人午餐，可以堂食，叫咗蕃茄香煎鮮蝦意粉。比想像中好食，隻蝦煎得好香，又夠爽。意粉係我鍾意嘅幼意粉，又係煮得好彈牙。茄汁有真蕃茄，酸甜度調較得好好，唔會偏重一邊，食得好舒服。👍🏻成個餐$50，包一杯茶(可選凍/熱，成個茶包放喺杯入面的)，每日只有限定兩款意粉，所以要去到先知有咩揀，同埋座位比較窄，夏天亦唔夠冷氣(因為無門阻隔，門口對住路口)，如果外賣就會比較好~(可惜我行離公司太遠，唔方便外賣...😅)