Black As Chocolate (已結業)

好朋友生日, 同佢慶祝當然唔可以馬虎了事, 所以即使天氣有多凍, 我都特登搭車去九龍城, 買個非常有特色嘅朱古力蛋糕。呢間Black as Chocolate聽閒來頭非常之猛, 係台灣國內已經非常有名, 黎到香港, 自然受到明星藝人捧場。蛋糕嘅口味有幾款, 包括原味、榛子朱古力、黑加侖草莓朱古力, 同埋我選取嘅香蕉朱古力味。表面以朱古力醬塗面, 再有縲旋形的蛋糕面, 沒有其他額外裝飾, 都足夠令人注目, Simple is the Best。除左蛋糕嘅賣相吸引之外, 蛋糕盒以至刀叉都極盡心思。蛋糕盒嘅絲帶亦可以係從多種顏色中挑戰, 而我見到紫色咁搶眼, 同黑色嘅紙盒有著莫明嘅合拍感覺。得意惡魔叉, 睇得出呢間蛋糕店由外到內都係相當安有心思。朱古力醬濃郁而軟滑, 海綿蛋糕亦做到軟綿無比。中間夾著的香蕉果肉, 足料之餘, 味道亦新鮮, 感覺有如食生果似的。吃下一口如此出色嘅香蕉朱古力蛋糕, 層次感豐富, 絕對物有所值!