蓮．越泰坊

營業中

休息中

今日同班朋友行完山，順便行入數碼港行個圈，好後悔入咗呢個mall呢間鋪，而無選擇到對面m記。首先喺門口望完餐牌係有午餐嘅，有碗嘢跟杯嘢飲，行完山梗係想飲返杯椰青水先爽啦，坐低望咗陣餐牌唔見有門口啲餐，問個阿姐話今日無餐，其實無餐點解你要擺個午餐牌喺門口呢？講嘢無尾音嘅都算，我哋四個人焗住每人叫碗麵食。到咗上麵，我叫嘅係生牛肉金邊粉，阿姐上碗嘢時話「生牛肉河」，我話我係嗌金邊粉，佢竟然即時拎我隻羹撩我碗嘢話「拿咪金邊粉」。都算你，但碗生牛肉唔生，同啲牛肉加埋我諗10g都無，肉又柴。同行幾個朋友幾碗嘢都係一樣差，食完成肚氣。十年唔入一次數碼港，點知揀中呢間，態度差食物差價錢貴最後仲要收我加一！第一次食完一間鋪帶著深深的後悔，同忍唔住要寫第一篇食評。