心。泰 (已結業)

如果你問我最鐘意食心泰既乜野，我一定會答 -- 薄餅！試過好多地方既薄餅，都無呢度既咁好食！呢度既薄係層次分明既，而且帶點煙韌，燒得好香，好食到不得了！每一次都係因為要食薄餅而叫咖哩，今次食既係侍應哥哥介紹既青咖哩，我地選左鴨肉。另加半隻燒雞同埋乾炒豬肉河。 青咖哩鴨幾好食，唔辣但香，鴨肉唔多，兩個人岩岩好！ 兩個人食半隻燒雞就梗係食唔哂啦。雞幾好味，要食一隻雞燒得好唔好，就要試下胸肉，呢隻唔"鞋"喎，即係燒得好啦~ 但我略嫌香料味太重，唔太岩我個人口味。 乾炒豬肉河就有點失敗喇。豬肉太多、河太少。完全中和唔到我地另外兩個菜......喧賓奪主之作！總結一句﹕薄餅萬歲！