必勝客

營業中

休息中

平時厚批加芝心試得多, 今次試試薄批, 我覺得薄批好味D, 因為即食夠脆, 即使係外賣都不減脆口程度, 相反平時厚批凍左變成一pat pat, 仲無咁好味tim... 再加上我今次記得叫佢拎芝士粉, 上次落單時唔記得叫, 原來個送pizza ge人真係唔會隨身帶住以備客人所需, 其實係有D失望ge, 今次加左芝士粉, 真係好味好多, 可能因為我覺得塊批本身唔係好夠芝士味掛...再要多個小食格格拼, 因為每次都有唔同口味, 又平又可以試多D小食, 今次個燒豬仔骨係最好食, 其次係辣雞翼, 魚圈麻麻地, 脆薯塊就比唔上KFC(可能因為外賣無咁"新鮮", 不過整體都尚算不俗... 下次會再試...最後叫左個葡汁焗時蔬, 西蘭花同椰菜花都係得三舊, 好彩得三個人食, arm arm 夠分, 其他甘筍呀, 甜豆呀, 等等, 都係少到喊, D葡汁又唔似葡汁味, 其實係無味, 我又加D芝士粉伴黎食, 先至好食D... 超唔抵食, 以後都唔會叫...