亞玉豆腐花

營業中

休息中

喺荃灣的豆腐花戰裡面，公平啲間鋪頭一次，今次食阿玉。同樣係3蚊一碗豆腐花，今次點左熱的薏仁白果白果豆腐花，繼續係用3蚊食得下已經好開心的心態。店員熟手將筒的熱豆花潷入碗，再加一勺薏仁白果喺面。 好，唔另加糖先食一口。下!? 咁樣都只係3蚊?? 食落豆腐花的軟滑度，豆香度真係完勝隔離喎，而且薏仁同白果都好香軟，用薏仁白果的糊的甜味，令本身無糖的豆腐花已經夠甜。呢碗豆腐花十分有驚喜。下次都唔駛諗，兩間揀邊間喇。