影片
更多
2021-12-09
188 瀏覽
聖誕月，大家諗好去邊到食聖誕大餐未呢~ 今次再訪樂富𝙂𝙊𝘾𝙃𝙄，發現佢創作左多款新菜式，估唔到啲聖誕限定推介 又幾有驚喜喎！支薑餅氣泡飲造型超得意！係聖誕嘅感覺呀𝙂𝙊𝘾𝙃𝙄 好歡迎單身寡佬自己黎慶祝！Christmas Menu 除左二人四人套餐之外，仲有🕴🏻一人套餐添。二人套餐 $628麵包 + 2款頭盤 + 2款主菜 + 2杯飲品(可追加甜品)𝒮𝓉𝒶𝓇𝓉𝑒𝓇▪️和牛西冷配秘製紅酒汁 +$80前菜都有和牛西冷食！和牛西冷呈粉嫩嘅紅色，肉汁成功被鎖住。肉質軟嫩有彈性，一啲都唔韌，牛肉味又幾重喎，就咁蘸鹽食已經唔錯~ 略嫌有少少筋。旁邊仲有一大堆火箭菜同爽彈多汁嘅蘑菇，包你吸取到纖維。▪️帶子牛油果他他沙律被朋友譽為碎蛋沙律口味嘅牛油果他他 就唔太岩我地嘅口味。不過牛油果軟滑質素唔錯，帶子軟嫩，略嫌醬汁味道偏重，容易蓋過帶子鮮味。ℳ𝒶𝒾𝓃 𝒞𝑜𝓊𝓇𝓈𝑒▪️松葉蟹肉海鮮手拉薄餅 +$50手拉薄餅有一定厚度，屬於薄嘅厚批?! 唔係充滿空氣感個種，幾煙韌有嚼勁，又唔會過於紮實，邊邊位仲幾脆添！餡料份量十足！有齊帶子bb、蝦仁、魷魚、松葉蟹。海鮮意外地唔會焗到好乾，蝦仁超爽彈，魷魚又唔韌。唯獨手拉薄餅
𝙂𝙊𝘾𝙃𝙄 好歡迎單身寡佬自己黎慶祝！Christmas Menu 除左二人四人套餐之外，仲有🕴🏻一人套餐添。
二人套餐 $628
麵包 + 2款頭盤 + 2款主菜 + 2杯飲品
(可追加甜品)
𝒮𝓉𝒶𝓇𝓉𝑒𝓇
▪️和牛西冷配秘製紅酒汁 +$80
前菜都有和牛西冷食！和牛西冷呈粉嫩嘅紅色，肉汁成功被鎖住。肉質軟嫩有彈性，一啲都唔韌，牛肉味又幾重喎，就咁蘸鹽食已經唔錯~ 略嫌有少少筋。旁邊仲有一大堆火箭菜同爽彈多汁嘅蘑菇，包你吸取到纖維。
▪️帶子牛油果他他沙律
被朋友譽為碎蛋沙律口味嘅牛油果他他 就唔太岩我地嘅口味。不過牛油果軟滑質素唔錯，帶子軟嫩，略嫌醬汁味道偏重，容易蓋過帶子鮮味。
ℳ𝒶𝒾𝓃 𝒞𝑜𝓊𝓇𝓈𝑒
▪️松葉蟹肉海鮮手拉薄餅 +$50
手拉薄餅有一定厚度，屬於薄嘅厚批?! 唔係充滿空氣感個種，幾煙韌有嚼勁，又唔會過於紮實，邊邊位仲幾脆添！餡料份量十足！有齊帶子bb、蝦仁、魷魚、松葉蟹。海鮮意外地唔會焗到好乾，蝦仁超爽彈，魷魚又唔韌。唯獨手拉薄餅真係要早啲食！初初食幾唔錯，去到最後再食 個底已經變到好濕。
▪️軟殼蟹天婦羅手工意粉
軟殼蟹有驚喜喎！炸皮好脆，又唔會太厚。一咬落個蟹腳，竟然會bit汁。意粉軟硬適中，每一條都裹滿龍蝦汁。食食吓都有啲膩，但都會忍唔住繼續食。仲有大大條秋葵天婦羅添！
𝒟𝑒𝓈𝓈𝑒𝓇𝓉
▪️聖誕軟心朱古力蛋糕 配蘭姆酒提子雪糕 +$58
軟心朱古力嘅流心程度就唔算好勁，蛋糕質地偏綿密 比較似brownies，略嫌有少少太濕。朱古力味幾濃，甜度恰到好處，不過蘭姆酒提子雪糕就稍為遜色。
𝒟𝓇𝒾𝓃𝓀
▪️薑餅味氣泡飲 (no alcohol)
個樽勁得意！加埋頂紅色帽勁有feel。飲落似有薑餅味嘅可樂珍寶珠，無想像中咁甜喎~
▪️聖誕木頭 (cocktail)
初初入口先嚐到忌廉嘅香甜，電光火石之間，霸道嘅vodka擁岀，酒味相當濃烈。偶爾會感受到薑嘅香氣，側邊仲有啲朱古力醬作點綴。
張貼
