Saravanaa Bhavan (已搬遷) 新店位置

星期一同朋友諗住收工出黎聚下，於是約係尖沙咀見面，順手行下街咁。路過見到有個餐牌，又有印度人派傳單，諗諗下之前好似好少食過印度菜，於是就上咗去試下印度菜。上到去見到係入面做野嘅都係印度人，而且人客大多數都係印度藉，就知道呢間餐廳呢印度菜應該幾正宗下。我同朋友一人叫咗一個套餐，我就叫咗個薩拉維亞套餐，裡面有好多唔同嘅配料：有配菜，酸辣湯，酸奶，咖喱，乳酪等等...薄餅點上咖喱得特別美味。唔同嘅配料配上白飯都有唔同嘅感覺。朋友就叫左另外一個套餐，北印度套餐，配料同上面個套餐差唔多，飯就係雜菜飯除咗套餐之外，我地仲有叫個小食，酸奶薯蓉配炸圓脆餅，起初睇落下以為係熱食，但食落先知係凍食黎，有唔同嘅層次感，幾特別幾脆口。另外飲品我地都叫咗個芒果奶昔，甜度啱啱好，所以好快就飲曬了。