影片
更多
2022-06-20
264 瀏覽
一大班朋友飯聚通常唔係打邊爐就係食放題，不過哩類任食場好多時食物質素都唔可以抱太高期望，但今次揀上村牧場貪佢有得任食日本薩摩牛。上村就咁喺門口望入去以為店面好細，但入到去原來都好多位，大部份都係卡位，非常闊落舒服。上村嘅烤肉放題分左三個價位，以平日金黃時間計分別係$328/$$378/$588，限時100分鐘，不過如果冇人等位基本上都可以繼續坐。我地揀左最貴嘅薩摩牛饗宴套餐($588)，佢除左可以任食多款薩摩牛之外，連海鮮都可以任食。每張枱都會有一部ipad，野食全部都可以經ipad落單，而野飲就可以喺出面自助區自由斟。雖然哩度冇任何罐/枝裝裝品，不過野飲選擇都唔算少，各式咖啡、果汁、汽水、茶包都有。每枱都已經備有多款調味料。哩度最特別係佢嘅送餐服務，因為每張枱旁邊都有條輸送帶，點餐後唔洗等好耐，食物就會經輸送帶送到，不過拎左食物之後，要記得撳上面嘅紅色按鈕，等車仔自動返回。食烤肉之前食啲菜墊下底先，和風菠菜清清地都唔錯。泡菜唔會太辣，醬汁入味玉子就略嫌熟左啲。薩摩牛生拌牛肉 - 生牛肉好嫩滑，完全唔覺得腥，雞蛋令口感更順滑。食食下先見倒其中一張單張寫住入會就可以送果物梳打，用手機/電
上村就咁喺門口望入去以為店面好細，但入到去原來都好多位，大部份都係卡位，非常闊落舒服。
上村嘅烤肉放題分左三個價位，以平日金黃時間計分別係$328/$$378/$588，限時100分鐘，不過如果冇人等位基本上都可以繼續坐。我地揀左最貴嘅薩摩牛饗宴套餐($588)，佢除左可以任食多款薩摩牛之外，連海鮮都可以任食。每張枱都會有一部ipad，野食全部都可以經ipad落單，而野飲就可以喺出面自助區自由斟。
雖然哩度冇任何罐/枝裝裝品，不過野飲選擇都唔算少，各式咖啡、果汁、汽水、茶包都有。
每枱都已經備有多款調味料。
哩度最特別係佢嘅送餐服務，因為每張枱旁邊都有條輸送帶，點餐後唔洗等好耐，食物就會經輸送帶送到，不過拎左食物之後，要記得撳上面嘅紅色按鈕，等車仔自動返回。
食烤肉之前食啲菜墊下底先，和風菠菜清清地都唔錯。泡菜唔會太辣，醬汁入味玉子就略嫌熟左啲。
和風菠菜、泡菜、醬汁入味玉子
2 瀏覽
0 讚好
0 留言
薩摩牛生拌牛肉
20 瀏覽
0 讚好
0 留言
哩個薩摩牛套餐有七款唔同嘅薩摩牛可以任食，部份仲有幾隻唔同調味揀，不過因為哩個套餐同時仲可以任食澳洲同美國和牛，所以我地只係重點揀左幾款試下。薩摩牛牛五花、薩摩牛里肌肉、薩摩牛涮涮燒 - 三款薩摩牛雪花紋都好平均，因為比較多油脂再加上薄切，所以要時刻留意住火喉，燒到有血水滲出就可以反轉燒，燒到淨返少少紅色就可以食，非常嫩滑。
薩摩牛牛五花、薩摩牛里肌肉、薩摩牛涮涮燒
1 瀏覽
0 讚好
0 留言
薩摩牛壺漬
2 瀏覽
0 讚好
0 留言
薩摩牛壺漬
3 瀏覽
0 讚好
0 留言
薩摩牛內裙肉
2 瀏覽
0 讚好
0 留言
薩摩牛內裙肉
2 瀏覽
0 讚好
0 留言
蒜香澳洲和牛牛板腱
3 瀏覽
0 讚好
0 留言
蒜香橫隔膜
8 瀏覽
0 讚好
0 留言
蒜香澳洲和牛牛板腱
3 瀏覽
0 讚好
0 留言
蔥鹽美國和牛牛肋肉
6 瀏覽
0 讚好
0 留言
牛舌 - 哩度嘅牛舌都有幾款唔同口味，我揀左辣味噌，牛舌好彈涌，少少鹹鹹辣辣咁幾惹味。
牛舌
12 瀏覽
0 讚好
0 留言
雞心 - 除左多款嘅牛肉，哩度當然仲有其他豬雞羊食，我揀左比較少見嘅雞心黎試，佢切到細細件咁就咁睇完全唔似內臟，食落肉質係比較實同少少彈口咁，未食過可以試下。
雞心
4 瀏覽
0 讚好
0 留言
松露風味牛扒
6 瀏覽
0 讚好
0 留言
燒海老 - 海老都幾大隻，比平時打邊爐常見嘅中蝦再大隻啲，肉質幾結實爽彈。
松露風味牛扒、牛油粟米、燒海老
1 瀏覽
0 讚好
0 留言
灸燒鰻魚芝士壽司
6 瀏覽
0 讚好
0 留言
海膽&鮭魚子壽司 - 鮭魚子鹹鮮味十足，海膽好鮮甜，美中不足係紫菜唔夠乾爽，不過以放題場黎講都可以接受。
海膽&鮭魚子壽司
4 瀏覽
0 讚好
0 留言
烤牛肉壽司 - 牛肉好大塊，完全遮晒下面嘅壽司飯，食落唔會太鞋。
烤牛肉壽司
5 瀏覽
0 讚好
0 留言
抹茶蕨餅 & 朱古力迷你忌廉泡芙
2 瀏覽
0 讚好
0 留言
最後仲可以每人揀一杯雪糕。
雪糕
2 瀏覽
0 讚好
0 留言
總結，薩摩牛質素無庸置疑，牛肉種類同口味選擇超多，驚喜位係壽司同甜品質素都比想像中高，用運輸帶送餐非常新鮮，而且食物都好快送到又冇漏單，好啱一大班朋友黎。
張貼
