薩莉亞意式餐廳 (新都城大廈) (已結業)

薩莉亞我相信大部份香港人都知係乜嚟，評價就好壞參半，我自己就食過幾次，覺得正正常常啦，以咁嘅價錢，其實都幾好味。就算一條友食，叫多幾樣食物一啲都唔貴。北角呢間分店好似係港島區唯一一間分店，位置剛好，食完可以坐巴士回家。前菜我要咗一碟煙三文魚，其實應該同超市買到嘅無分別，但價錢不比自己買貴，抵食又好食。另外，我自己叫咗份牛扒食，好似都要成$8x定$9x，喺薩莉亞嚟講都算貴，哈哈。但其實咁大塊肉都唔使成百蚊，抵食啦。味道中上啦，未至於雪到無味，另外仲有薯角粟米，夠哂飽！