叁薯 (已結業)

【薯中皇者】重口味必食之選!識掃街一定跟住米芝蓮小食掃，對薯仔控嚟講點都要試下呢度嘅焗薯， 見尖沙咀厚福街新店開張，咁就要試試。眾多款式中店主推介重量級芝士焗薯，就一於試吓。半溶嘅芝士加sour cream同焗薯係絕配，食落百感交集，滋味之餘又好重罪惡感。不過一不做二不休，試埋個香脆芝士薯角。滿滿嘅芝士醬加上新鮮炸起嘅薯角係會令人唔記得自己減緊肥嘅，最大過塊薯角成隻筷子咁長，真係唔係咁多地方可以食到!食左咁多熱氣嘢唸住叫返支檸檬薏米水中和吓, 我幾欣賞佢地會主動幫客人坐暖支薏米水，好有寒冬送暖嘅感覺。其實店裡面仲有好多賣相好吸引嘅小食，呢間叁薯係唔止薯仔咁簡單!