影片
更多
2025-01-20
240 瀏覽
開完OT，同同事一齊食埋野先走，心血來潮好想剧扒，同事醒起有間新開食扒餐廳，價錢唔貴，仲可任食薯條。店內面積唔大，主要靠牆兩邊坐，環境簡潔，感覺幾舒服。晚市套餐主要以肉類為主，連A5/A4級別嘅和牛都有; 有一款意粉/漢堡選擇。亦有小食/沙律今晚”好”牛，兩份主菜式都係牛嘅唔同部位。安格斯封門柳 (200g)新進火鍋恩物，估唔到用黎做燒烤都一樣掂。柯打五成熟，輕易被切開，肉質鬆軟又夠肉味，點鹽/黑胡椒醬食都唔錯。安格斯級肋眼牛排 (200g)油花分佈較多且均勻，有明顯的牛肉香氣；柯打七成熟，肉質依然軟嫩，入口有肉汁咇出。牛扒配薯條係黃金組合，呢度係90分鐘任食薯條，實在太開心啦!唔好以為任食就麻麻地，薯條入口熱辣辣，外脆內綿，唔會食到一口油，點埋茄汁真係會追住食。叫多個小食，黎個印第安烤無激素鷄中翼($40/4隻)。燒鷄翼嘅味道，隻隻都幾飽滿，皮香肉嫩。套餐包熱飲，加少少錢轉凍飲，就要可樂及凍鮮奶咖啡，爽呀。無加一服務費，輕鬆方便食個扒，食完就快回家休息。
店內面積唔大，主要靠牆兩邊坐，環境簡潔，感覺幾舒服。晚市套餐主要以肉類為主，連A5/A4級別嘅和牛都有; 有一款意粉/漢堡選擇。
亦有小食/沙律
今晚”好”牛，兩份主菜式都係牛嘅唔同部位。安格斯封門柳 (200g)
新進火鍋恩物，估唔到用黎做燒烤都一樣掂。柯打五成熟，輕易被切開，肉質鬆軟又夠肉味，點鹽/黑胡椒醬食都唔錯。
安格斯級肋眼牛排 (200g)
油花分佈較多且均勻，有明顯的牛肉香氣；柯打七成熟，肉質依然軟嫩，入口有肉汁咇出。
牛扒配薯條係黃金組合，呢度係90分鐘任食薯條，實在太開心啦!
唔好以為任食就麻麻地，薯條入口熱辣辣，外脆內綿，唔會食到一口油，點埋茄汁真係會追住食。叫多個小食，黎個印第安烤無激素鷄中翼($40/4隻)。燒鷄翼嘅味道，隻隻都幾飽滿，皮香肉嫩。
套餐包熱飲，加少少錢轉凍飲，就要可樂及凍鮮奶咖啡，爽呀。
無加一服務費，輕鬆方便食個扒，食完就快回家休息。
張貼
