品川日本料理 (已結業)

好耐沒有食放題啦，今日心癮起，打開Open Rice點吓周圍餐廳，見到『品川日本料理』，標榜係海景餐廳，諗吓都開心，喺處吃嘢見到對面海的灝景灣，盈翠半島，汀九大橋，似乎幾正吖。來到『品川日本料理』，量度體溫係常態，地方好大好光猛好整潔，係少有的咁大間放題餐廳，因此喺咁大地方又隔住藍巴勒海望住對岸的靚橋，靚樓，加埋任飲嘅梅酒實在嘆，就咁享用了一餐美妙的lunch放題。和宜家很多新嘅餐廳一樣，都係掃描QR Code點餐，首先來一碟刺身，有虎蝦，甜蝦，三文魚，鱆紅魚，北寄貝，玉子，帆立貝，好新鮮美味，北寄貝係我鍾意之物，爽，滑，鮮，食完繼續第二碟，吞拿魚，榮螺鮑魚片，希靈魚，馬刀貝等美味進入我的胃，好满足。除咗刺身亦有壽司，天婦羅，燒物，炸物……炸物嗌咗芋頭波波，榴蓮波波，炸年糕，而燒菠蘿更加juice到不得了，好想食多幾件，但要留肚為了一樣不可以任食嘅Häagen-Dazs雪糕，食完呢餐超開心