紅館

夜晚收工想搵間餐廳有啲格調食好啲，最後就揀咗呢一間裝修優雅，樓底高空間感十足嘅餐廳，入咗去食緊先發現原來呢一間餐廳嘅主廚係法國藍帶㗎🤩🤩，六道菜晚市二人套餐只係$699，價錢對得住佢嘅質素！沙律方面，分別有巴馬火腿蜜瓜沙律🍈 同埋 燒美國安格斯牛肉泰式青木瓜沙律🐮🥗，我自己就特別欣賞安格斯牛肉泰式青木瓜沙律，其他餐廳真係冇見過呢個配搭，酸酸甜甜非常開胃，而且牛肉肉味好濃郁🤤🤤餐湯方面，每人都會有一個蘑菇湯🍄‍🟫，上面加咗好多芝士碎，飲落零食香濃！然後就有兩款主食，分別係低溫慢煮雞胸冬陰功醬扁意粉🍝 同埋 紅館姜母鴨🦆，兩款主食我都好欣賞，首先佢哋嘅意粉係手工意粉嚟，會比普通意粉更加彈牙，另外慢煮雞胸滑到好似雞髀咁，當然意粉嘅醬汁係成件事嘅靈魂啦！醬汁係酸酸甜甜嘅冬陰功味，平時比較少機會食到，而且呢個醬汁好清新，一啲都唔會膩～另外薑母鴨嘅皮非常香脆，而且鴨味好濃郁，係西餐少見嘅菜式！最後甜品方面，有芒果拿破崙🥭同埋 鮮果芝士撻🧀，我自己就更加鍾意芒果拿破崙啦！