Goldfinch (已結業)

中上環真係好多美食 今晚去左Goldfinch係由法國藍帶大廚主理嘅法式fusion菜每一道都好精緻好好味 配搭埋唔同嘅畫作真係由入門口開始就有種藝術氣息Kuih Pie Tee香脆小金杯入面係滿滿嘅中拖羅碎同青提子配左鰹魚芥辣啫喱 魚油香得嚟夠醒胃Red Prawn Tartare紅蝦肉好鮮甜 山女魚籽好飽滿脆卜卜嘅口感再加埋咸蛋黃泡芙 食落好香好有層次 好味到wow出聲Eight-Treasure Stuffed Pigeon 八寶乳鴿好似八寶鴨變奏版咁 好有心機乳鴿入面有鮑魚 瑤柱 羊肚菌 櫻花蝦 金華火腿 滷水鵝肝 紫莓米 飯粒吸晒所有材料嘅味道 真係好好食配埋酸酸甜甜嘅桑椹櫻花醬 中和番乳鴿嘅油膩Veal Cheek牛臉頰肉好軟腍 千層薯煎得好香口 旁邊嘅sauce係用豌豆同酸紫椰菜磨成 好鍾意酸椰菜醬 同牛臉頰好夾Strawberry mousse士多啤梨mousse入面釀左蘋果粒食落有淡淡嘅龍井味 酸酸甜甜又有啲茶香最得意係配左馬拉糕 勁有創意