影片
更多
2018-09-03
911 瀏覽
觀塘地頭蟲🐛花姐推介，今日嚟左呢楝商廈入面既餐廳食lunch。呢間餐廳，如果冇人介紹，相信美味子都未必會知，上到去仲要轉嚟轉去，門口亦都同寫字樓差唔多，位置確實幾隱秘下㊙️。但入到去餐廳同出面商廈環境就真係截然不同，白色牆身配搭木枱凳，簡約柔和既日系風設計，雖然地方唔係好大，得五、六張枱左右，但都有空間感，而且亦都坐得舒服。Lunch menu - lunch 唔算太多款揀，我地一行4位ladies 都揀左Golden Prawn Linguine, 黃金蝦喎，通常好難唔好味lor 😋Appetisers有 沙津或是日餐湯可供選擇，我地全部都揀左是日餐湯- 青豆湯。美味子一向鍾意食青豆，呢個青豆湯味道都好有青豆味同好creamy，味道唔錯架。Golden Prawn Linguine - 有別於平時食開既黃金蝦，呢個係一個西式既煮法，不過咸蛋黃味好似未能融入蝦身，食落好似咸蛋黃還咸蛋黃，蝦還蝦咁，同埋略嫌調味理重手左，成碟 Linguine都偏咸。如果冇咁咸其實都ok👌🏻。由於大家都係因為呢位喺英國藍帶甜品學廚歸國90後而慕名而嚟，點小得食埋個甜品先走呢？😋美味子我地叫左呢個signat
但入到去餐廳同出面商廈環境就真係截然不同，白色牆身配搭木枱凳，簡約柔和既日系風設計，雖然地方唔係好大，得五、六張枱左右，但都有空間感，而且亦都坐得舒服。
Lunch menu - lunch 唔算太多款揀，我地一行4位ladies 都揀左Golden Prawn Linguine, 黃金蝦喎，通常好難唔好味lor 😋
Appetisers有 沙津或是日餐湯可供選擇，我地全部都揀左是日餐湯- 青豆湯。美味子一向鍾意食青豆，呢個青豆湯味道都好有青豆味同好creamy，味道唔錯架。
Golden Prawn Linguine - 有別於平時食開既黃金蝦，呢個係一個西式既煮法，不過咸蛋黃味好似未能融入蝦身，食落好似咸蛋黃還咸蛋黃，蝦還蝦咁，同埋略嫌調味理重手左，成碟 Linguine都偏咸。如果冇咁咸其實都ok👌🏻。
由於大家都係因為呢位喺英國藍帶甜品學廚歸國90後而慕名而嚟，點小得食埋個甜品先走呢？😋
美味子我地叫左呢個signature 既甜品Pavlova! 即係以蛋白酥為基底既蛋糕甜品，一上碟已經非常吸晴，上下鬆脆既蛋白酥夾住入面軟綿綿既蛋糕同士多啤梨🍓，食完個口好似噴左香水咁👄。不過呢款甜品就唔包係lunch set 入面，我地單叫就收$50。
餐廳既廚房設有玻璃窗，可以見到入面設備齊全而且非常整潔，中午之後既時間通常都會用嚟開設甜品班，美味子有機會都想整個睇得又食得既蛋糕俾O先生！☺️
張貼
