影片
更多
2022-08-30
1702 瀏覽
由筲箕灣食到去藍田，呢間💛泰國菜餐廳🇹🇭從來都冇令人失望過！食物性價比極高，加上老闆老闆娘👫🏻同店員都係超級友善，絕對值得遠道以來(雖然餐廳位置唔算好易位，但跟足指示係唔會蕩失路）！今次一行八人仲可以叫好多款食物Share超開心🥳(真實付費食評非打手！)🌟冬蔭功大蝦頭湯平時👧🏻就好怕飲冬蔭功湯，因為怕佢又酸又辣，但呢到嘅冬蔭功湯不論甜、酸，辣味都平衡得非常好👍🏻，湯底加咗唔少香料，例如香茅、香葉🌿。海鮮除咗有大頭蝦🦐，估唔到仲有蟹🦀，證明落足料同夠曬鮮甜！份量足夠八人飲用！🌟泰皇咖哩炒蝦球 拼 招牌海南雞(半隻)餐廳當時做緊優惠，$200幾就有一份咖哩炒蝦球加半隻海南雞，超抵食！呢到嘅咖哩可以話係皇牌，最特別係咖哩汁會有蛋花，加上大量蔬菜eg 洋蔥🧅、紅青椒🫑、蔥，非常惹味！👧🏻次次都要叫蒜茸包+薄餅點汁食。蝦球🍤先行炸過，用炒咖哩汁。蝦球Size絕對係珍寶Size，蝦肉彈牙爽口。至於海南雞🐔水準都算高質，雞皮爽脆，雞肉嫩滑又有啫喱層。醬汁嘅薑蒜、辣香味平衡都幾好。🌟金柚子鮮蝦沙律柚子沙律🥗係大家一致必點嘅餐前小食。除咗有一絲絲嘅金柚子🍊，鮮甜冇澀味，仲有腰果、乾蔥頭，能夠增添口感同風
🌟冬蔭功大蝦頭湯
平時👧🏻就好怕飲冬蔭功湯，因為怕佢又酸又辣，但呢到嘅冬蔭功湯不論甜、酸，辣味都平衡得非常好👍🏻，湯底加咗唔少香料，例如香茅、香葉🌿。海鮮除咗有大頭蝦🦐，估唔到仲有蟹🦀，證明落足料同夠曬鮮甜！份量足夠八人飲用！
🌟泰皇咖哩炒蝦球 拼 招牌海南雞(半隻)
餐廳當時做緊優惠，$200幾就有一份咖哩炒蝦球加半隻海南雞，超抵食！呢到嘅咖哩可以話係皇牌，最特別係咖哩汁會有蛋花，加上大量蔬菜eg 洋蔥🧅、紅青椒🫑、蔥，非常惹味！👧🏻次次都要叫蒜茸包+薄餅點汁食。蝦球🍤先行炸過，用炒咖哩汁。蝦球Size絕對係珍寶Size，蝦肉彈牙爽口。
至於海南雞🐔水準都算高質，雞皮爽脆，雞肉嫩滑又有啫喱層。醬汁嘅薑蒜、辣香味平衡都幾好。
🌟金柚子鮮蝦沙律
柚子沙律🥗係大家一致必點嘅餐前小食。除咗有一絲絲嘅金柚子🍊，鮮甜冇澀味，仲有腰果、乾蔥頭，能夠增添口感同風味。醬汁帶點酸味，十分清新。
🌟泰式鹽燒鰂魚
平時👧🏻叫外賣就冇咩機會食魚🐟（凍咗就唔好味），今次一大班人Share咁大條鰂魚真係好！店員先行幫我地揭起鋪滿鹽嘅魚皮，內裹魚肉多汁嫩滑又冇泥味。同時仲可以點餐廳嘅特製綠色醬汁，食落就一定用咗青檸、辣椒🌶️等基本醬汁材料，仲有啲綠色就估係芫茜啦🌿🤣連唔太鍾意食魚嘅同行朋友都大讚！
🌟泰式炸蝦餅
炸蝦餅係👧🏻嘅朋友都推介嘅食物，一客有6件蝦餅，面層鋪咗薄薄嘅麵包糠，蝦肉極度彈牙，啖啖蝦肉冇點溝過粉。再點埋泰式辣醬，超級滿足😍（如果冇叫小食拼盤，應該可以自隊半碟🤣）。
🌟泰式小食拼盤
小食拼盤有齊炸蝦餅、雞翼、春卷同魚餅，岩曬每款小食都想試下嘅朋友仔！
🌟泰式香芒糯米飯
個人認為芒果糯米飯嘅精萃係在於椰漿～有落咗少少鹽🤏嚟調味，令椰漿甜味更突出。芒果清甜，而糯米飯🍚夠曬有口感同有黏性，配埋少少脆米，👧🏻覺得自己就咁食個走芒果🥭嘅糯米飯都冇問題😛。
🌟珍多冰
平時唔飲珍多冰嘅👧🏻就比同事們嘅極力推薦下試左啖，一洗👧🏻對珍多冰嘅印象！平時食珍多冰都係粉條，冇咩口感。但呢到嘅珍多冰唔係用粉條，而係珍珠顆粒，有啲仲有包住粒粒馬蹄，好似食緊馬蹄爽🤣，充滿口感！
另外👧🏻都叫咗以下食物，1️⃣招牌咸肉炒椰苗，2️⃣泰式鮮蝦炒金邊炒，3️⃣菠蘿海鮮炒飯，4️⃣沙嗲串燒全部各具特色+極高質。沙嗲串燒燒得好香，沙嗲醬充滿花生粒粒🥜超香+惹味；咸肉就好似中式燒肉，同椰菜苗炒埋一齊令菜仲有少少油香🤤。
張貼
