意八餐廳 (已結業)

係藍田啟田商場有間好多街坊都幫襯嘅抵食意大利餐廳 — 意八。今次係午餐時段過嚟呢邊，見唔洗等位就衝左入去。｛脆卜卜炸魚柳大和圓板燒 $63｝配菜非常豐富，有板燒野菜、蕃茄、薯角、煎蛋同珍珠飯，魚柳嘅肉質幾淋同唔太腥，加上蘸蛋漿炸完，就算唔太鐘意食魚嘅朋友都食到！｛香草野菌忌廉天使麵 $54｝好有驚喜，好creamy又濃嘅pasta sauce加埋野菌感覺幾健康。｛柚子芝麻烤雞翼 $25｝烤到外皮好香脆加上柚子醬汁同芝麻，唔會太甜，新鮮整好嘅雞翼真係好食到停唔到！