坤記麵家 (已結業)

趕返工前嘅一餐🙄大概一點半左右我平時都好鍾意食麵檔，除左油麵之外，我咩麵都食。聽男友講過幾次呢間麵檔唔錯，趁今日返晏晝就即管試下。通常麵檔價錢都平民，特別位於屋邨附近。由於時間緊迫關係，都忘記左影餐牌同價錢，約29至39蚊碗。講講牛筋河先，牛筋煮得腍，但有咬口，完全唔晒牙力。河粉吸晒腩汁湯底，好食到不得了。河粉唔會碎濕濕，係一條條長嘅，我諗大家食過河粉就明😂熱騰騰嘅河送到面前，儘管大熱天時，都不減食慾，太香喇！魚皮餃係我最愛，不但至我食麵愛，打邊爐都不能少。講講河粉先，我叫左清湯底，有蔥同疑似乾蒜（腩湯底個碗都有）。唔好以為咁會失色，清湯有自身獨特香味，一邊食一邊聞住好香嘅蔥味，都係一番享受。魚皮餃好大隻，我覺得似自家製🤔未食過咁大隻，而且皮會比出面食開嘅厚，size係餛飩個種。魚皮餃入面嘅肉都好香，咬開少少再加啖湯😋你感唔感受到個種滋味座位就偏窄，大部分麵檔設計都唔會好闊落。我正值中午時間，多人食，如果咁啱要坐出面位，就會俾太陽曬住，冇風扇都食得幾狼狽，一邊抹汗一邊食。衛生程度我接受到，一般食肆咁。總結：有得揀就坐入面位，湯底加腩汁會更好味，河粉都夠飽（以我都偏大食嘅女仔標準）。物價