影片
更多
2019-01-01
197 瀏覽
前果排雨濕濕，搞到人都眼濕濕，所以決定去一間「藍」調啲嘅餐廳。喺銅鑼灣云云咁多間素餐廳之中，遇上悠蔬食，眾裡尋她，你話幾咁浪漫。你睇下佢個調幾藍，配合空洞既坐位，加上窗外絲絲細雨⋯噢⋯此刻既我只想⋯大飽口福！係，多愁善感可能有時係自作多情，並唔真實，不過空腹感就絕對呃唔到自己！所以驗明真身（menu）後同蘇太即刻叫左一個lunch一個tea： 1. 新薯蔬果青醬藜麥沙律 2. 野菜粟米雪耳忌廉濃湯 3. 蘆筍素香鬆苜蓿芽手卷 4. 焗牛油果粟米多士 5. 菠菜野菌忌廉燴扁意伴紫薯哈片 6. 焗蓮茸西米布甸 7. 檸檬紅菜及香脆五殼杏仁奶（呢間係蛋奶素嘅素店，但部份菜式可走蛋奶）係咁咦叫一叫都已經有成七樣野，不過多冇用嘅，最緊要好味同飽。一黎先挑戰前菜沙律同知湯先，試探下間野既底蘊先！沙律薯仔烤過夠香，沙律菜+火箭菜+蕃茄仔都ok新鮮，青醬好香有啲似印度果隻青醬，不過係唔辣version。湯果然係濃，濃係指啲粟米味！不過最特別係係個西式嘅忌廉湯裡面放入雪耳！見到佢簡直好似見到香港咁：中西合壁。跟住都係兩位比較輕量級嘅佳麗。苜蓿芽手卷走清新路線，全靠啲芽，新鮮又
你睇下佢個調幾藍，配合空洞既坐位，加上窗外絲絲細雨⋯噢⋯此刻既我只想⋯大飽口福！
係，多愁善感可能有時係自作多情，並唔真實，不過空腹感就絕對呃唔到自己！
所以驗明真身（menu）後同蘇太即刻叫左一個lunch一個tea：
1. 新薯蔬果青醬藜麥沙律
2. 野菜粟米雪耳忌廉濃湯
3. 蘆筍素香鬆苜蓿芽手卷
4. 焗牛油果粟米多士
5. 菠菜野菌忌廉燴扁意伴紫薯哈片
6. 焗蓮茸西米布甸
7. 檸檬紅菜及香脆五殼杏仁奶
（呢間係蛋奶素嘅素店，但部份菜式可走蛋奶）
係咁咦叫一叫都已經有成七樣野，不過多冇用嘅，最緊要好味同飽。
一黎先挑戰前菜沙律同知湯先，試探下間野既底蘊先！
新薯蔬果青醬藜麥沙律, 野菜粟米雪耳忌廉濃湯
32 瀏覽
0 讚好
0 留言
沙律薯仔烤過夠香，沙律菜+火箭菜+蕃茄仔都ok新鮮，青醬好香有啲似印度果隻青醬，不過係唔辣version。
湯果然係濃，濃係指啲粟米味！不過最特別係係個西式嘅忌廉湯裡面放入雪耳！見到佢簡直好似見到香港咁：中西合壁。
跟住都係兩位比較輕量級嘅佳麗。
蘆筍素香鬆苜蓿芽手卷
26 瀏覽
0 讚好
0 留言
焗牛油果粟米多士
23 瀏覽
0 讚好
0 留言
苜蓿芽手卷走清新路線，全靠啲芽，新鮮又清香。牛油果多士好明顯相反，走甜到漏（雖然唔係甜xd）路線，睇相都知吧！但其實反而冇咩特別呢。
黎喇黎喇！今日既主角登登登登！「菠菜野菌忌廉燴扁意伴紫薯哈片」（走奶）
菠菜野菌忌廉燴扁意伴紫薯哈片
22 瀏覽
0 讚好
0 留言
首先真係想講個哈片先，真係冇改錯名，真係好似蝦片！正！「哈」字係玩食字嗎？哈哈哈哈！而且就咁睇相重以為係火腿添，哈哈哈哈！
嗯，雖然fo已錯，但味其實好唔錯，有菇有菜，菠菜忌廉汁比想像中清。
食完唔捨得走住當然係叫甜品浪埋個口先走啦！焗蓮茸西米布甸，一個又有啲中式既西式甜品，熱辣辣甜度岩岩好，男性都岩食！
焗蓮茸西米布甸
20 瀏覽
0 讚好
0 留言
嘆左個幾鐘之後，窗外絲絲細雨已成回憶，本身今日好有吟詩既衝動，但咁飽既情況下，我成為左一個攬住肚腩既「佬」，何來詩意之有？
同場加映：
檸檬紅菜及香脆五殼杏仁奶
19 瀏覽
0 讚好
0 留言
張貼
