5越越南餐廳 (已結業)

平日晚上八點幾，只有三、四枱客，有一女侍應戴着藍色手套推住餐車執枱，但上菜時竟然又是同一個人，還把戴住的藍色手套的手指浸在 我們叫的 5越湯河和海南雞飯贈送的冬瓜例湯內，唔知佢有冇換過對新手套先送餐呢🤔，湯已唔熱亦唔暖，更有少少變味，幸好食完這餐飯之後並沒有肚痛或肚痾 ！本來食物不錯，海南雞飯的雞雖然係凍的，但雞滑、飯亦好食； 而 5越湯河的材料多亦好食，只是湯底有啲鹹。可能係夜晚八點幾，全餐廳好似只有男女侍應各一個，沒有什麼服務可言，如果唔改變服務態度和衞生問題，相信沒有下一次。