影片
更多
2022-02-14
281 瀏覽
行到餓餓地去附近搵食，星期六原來幾多舖頭唔開門，見有間漢堡店新開張，藍色主色幾靚咁，睇下餐牌又幾特別，試下佢先。餐牌有兩類漢堡，有酒精款同無酒精款，仲有幾樣小食，飲品就得汽水。自助點完單就可以揀個位坐，小店約有十個位，主打外賣。叫左呢款無酒精嘅天婦羅漢堡，轉左做餐跟薯條同汽水。漢堡脹卜卜好大個，即叫即炸熱辣辣，入面夾左金菇、茄子等天婦羅，十分香脆，加埋紫菜、青瓜等爽口又清新，醬汁係甜甜地嘅芝麻醬，麵包軟綿綿重牛油香，係高水準之作，好好味。薯條同樣即炸很脆口，粗條重薯味，好味噃。如果跟餐小食有其他揀更好，同朋友一人一個餐，太多薯條有啲膩。飲品只有汽水選擇，都幾多口味，揀左呢罐西柚汽水，店家用環保飲管值得一讚。天婦羅漢堡轉做餐$96，唔使加一又有位坐，抵食吖～下次想試下有酒精嘅漢堡，唔知咩感覺呢？
行到餓餓地去附近搵食，星期六原來幾多舖頭唔開門，見有間漢堡店新開張，藍色主色幾靚咁，睇下餐牌又幾特別，試下佢先。
餐牌有兩類漢堡，有酒精款同無酒精款，仲有幾樣小食，飲品就得汽水。
自助點完單就可以揀個位坐，小店約有十個位，主打外賣。
叫左呢款無酒精嘅天婦羅漢堡，轉左做餐跟薯條同汽水。
漢堡脹卜卜好大個，即叫即炸熱辣辣，入面夾左金菇、茄子等天婦羅，十分香脆，加埋紫菜、青瓜等爽口又清新，醬汁係甜甜地嘅芝麻醬，麵包軟綿綿重牛油香，係高水準之作，好好味。
薯條同樣即炸很脆口，粗條重薯味，好味噃。如果跟餐小食有其他揀更好，同朋友一人一個餐，太多薯條有啲膩。
飲品只有汽水選擇，都幾多口味，揀左呢罐西柚汽水，店家用環保飲管值得一讚。天婦羅漢堡轉做餐$96，唔使加一又有位坐，抵食吖～下次想試下有酒精嘅漢堡，唔知咩感覺呢？
張貼
