Mango X'press (已結業)

厚福街多美食,我成日去,間唔中都會幫襯MangoXpress,飲品好多都平平地10幾蚊有交易又唔會好溜,而且係芒果主題,都幾吸引。而家甚至新增臺式飯盒餐配飲品外賣,下午時段見到好多人買,30幾蚊。連即磨咖啡都有,12蚊而已,平過隔壁麥當當,平心而論覺得間野d新出品都幾貼心for 附近既office ladies and gentlemen。芒果紅茶就16蚊有交易,但今次選擇特別點貴點的新出品: 特調藍蝶芒果露 (26蚊) 和芒果醋 (24蚊)。 前者上藍下黃,中間分界是酸酸的,因為有醒胃檸檬汁。藍色部分的butterfly pea去泰國成日都有得飲,現在香港都能夠找到泰國的夏天感覺。整體來講酸酸甜甜ok既。芒果醋好清,醋其實對消化幾好,所以我在家都會自己整。雙併炸雞粒同雞搥(34蚊)正常水準,脆脆地又細細份,媽咪中意。至於奶凍方面,他們一直都整得ok的,size細dd仔,味道不會漏,呢次個伯爵奶凍(28蚊)幾清香,好食。