影片
更多
2022-08-13
4295 瀏覽
因為有藍青口放題而吸引到呢間餐廳一試，網上有人話地方窄/服務差，不過今日都ok。首先食藍青口放題，唔係openrice/電話訂座就得，要係一個togetda網站度訂位同比錢先，要比晒錢先，到時去食。本身喺openrice訂咗位，好彩食之前2日打去餐廳問一問係咪有青口放題，然後店員話要喺togetda訂位先有，上到網發現要最少2日前訂位，好彩有問到。呢日我哋就book咗下午2點，1點50分去到門口，佢話我哋係book咗2點，言下之意即係叫我哋唔好咁早嚟啦，於是我哋又行到1點58分先再入去。店舖真係好細，只有大約5張枱，仲有high table8個位左右。一入去，店員有問我哋想坐normal table定係high table，話high table枱面闊落啲，咁我哋就坐high table啦。一坐低，店員就問我哋要sparkling water定still water，諗咗一陣就要sparkling water啦，心諗飲sparkling water冇理由同still water一樣價錢掛，但店員又冇話要加錢，就算啦。飲完一支之後，佢就問我哋，之後幫你哋加普通water o唔ok，咁都緊
首先食藍青口放題，唔係openrice/電話訂座就得，要係一個togetda網站度訂位同比錢先，要比晒錢先，到時去食。本身喺openrice訂咗位，好彩食之前2日打去餐廳問一問係咪有青口放題，然後店員話要喺togetda訂位先有，上到網發現要最少2日前訂位，好彩有問到。
呢日我哋就book咗下午2點，1點50分去到門口，佢話我哋係book咗2點，言下之意即係叫我哋唔好咁早嚟啦，於是我哋又行到1點58分先再入去。
店舖真係好細，只有大約5張枱，仲有high table8個位左右。一入去，店員有問我哋想坐normal table定係high table，話high table枱面闊落啲，咁我哋就坐high table啦。
一坐低，店員就問我哋要sparkling water定still water，諗咗一陣就要sparkling water啦，心諗飲sparkling water冇理由同still water一樣價錢掛，但店員又冇話要加錢，就算啦。飲完一支之後，佢就問我哋，之後幫你哋加普通water o唔ok，咁都緊係ok啦。
每人$158+$188再加一，$158每人有個主菜同薯條，$188就係2小時藍青口放題。
主菜一個揀咗spaghetti volcano
有啲辣，蝦幾好食，意粉都唔錯
spaghetti volcano
22 瀏覽
0 讚好
0 留言
另一個smoke salmon菠菜闊條麵
面頭超多芝士粉，好濃不過唔算滯
smoke salmon
23 瀏覽
0 讚好
0 留言
炸薯條好脆好好食，如果都可以任食就好啦
薯條
18 瀏覽
0 讚好
0 留言
青口都係一坐低叫主菜嗰陣就可以即刻叫埋，有4隻味，店員推介先食頭2款，再食之後2款
第一輪青口等咗15分鐘，之後每一次refill都係5-10分鐘就整好，refill速度都好快，唔洗驚唔夠時間食/食唔飽。
用嚟裝殼嘅筒都清得好快，水都refill得好快，店員見你食完啲青口都會主動問洗唔洗再refill。
第一隻味traditional(白酒)
個人認為係最好食
本身驚會好苦或者好勁酒味，點知又完全冇，可能加咗忌廉
traditional mussels
26 瀏覽
1 讚好
0 留言
第二隻味italian(羅勒番茄)
個人覺得第二好食
個番茄汁好味，食晒青口就咁飲咗幾啖都好味
酸酸地咁唔錯
italian mussels
12 瀏覽
0 讚好
0 留言
第三隻味japanese(柚子青檸)
本身驚柚子會唔會好苦或者好怪，但出嚟都ok，都幾勁柚子同青檸味，不過有啲濃，只食咗一盤
japanese mussels
10 瀏覽
1 讚好
0 留言
第四隻味french(藍芝士)
本身驚藍芝士會唔會勁濃或者勁怪，最後都還好，算係特別濃嘅芝士味，唔會苦，都ok的
french mussels
8 瀏覽
0 讚好
0 留言
肉都算大粒，幾juicy鮮甜
5 瀏覽
0 讚好
0 留言
去到15:45就話last order，最後15分鐘先叫last order都算幾好。
每人食咗5兜，每兜估計有15-20隻左右，算好抵，一定回到本。
唔洗擔心煮得好慢上唔切比你，擔心自己食唔食得晒仲好，每次refill都係5-10分鐘左右，細食嘅話分分鐘唔洗食足2個鐘已經可以食飽走人。
btw到最後店員叫我埋單，原來sparkling water係要$48加一。我都理解sparkling water正常係要加錢，不過店員好應該一開始問人個陣就講明係要加幾多錢，冇理由埋單先話人知幾多錢嫁嘛。
張貼
