影片
更多
2010-05-24
4 瀏覽
我地一行兩人大約8pm到餐廳，立即被安排坐係2人枱。待點菜後，門口就出現人龍，勁！因朋友第一次黎呢度食，我推介左必試既蔥藍鰭吞拿魚蓉定食，而我就試新既黑海膽併藍鰭吞拿魚蓉定食，另加一個炸蠔。定食包括：主食、前菜、麵豉湯及蒸水蛋。 蒸水蛋： texture尚算滑，只屬一般水準，但隨定食附送黎計，算有交代。 炸蠔 ($48)：一碟5隻，炸漿厚較，蠔既質素只屬一般，對近期食過既炸蠔以相約價錢作比較，萬豚屋既炸蠔較新鮮同大隻，炸漿厚度適中。 黑海膽併藍鰭吞拿魚蓉定食 ($175)： 海膽既size & texture都ok，但有少少腥味。吞拿魚蓉保持一貫水準，無筋，夠新鮮，正！ 但飯方面，未知係米種既問題定其他因素，飯既粘性不足，但都夠香軟，不錯！總括而言：要我用$175食呢個聲稱新鮮運到既黑海膽，我就覺得唔值！尤其menu上有特別介紹呢個新鮮運到既黑海膽，會令人有所期待，但未知係季節問題定係貨源問題，水準只屬一般，反而令人希望越大失望越大。特別一提係，鎮店之寶藍鰭吞拿魚蓉定食既吞拿魚蓉越來越少，令人不禁心想：藍鰭吞拿魚‧請加快成長！！哈哈
因朋友第一次黎呢度食，我推介左必試既蔥藍鰭吞拿魚蓉定食，而我就試新既黑海膽併藍鰭吞拿魚蓉定食，另加一個炸蠔。定食包括：主食、前菜、麵豉湯及蒸水蛋。
蒸水蛋： texture尚算滑，只屬一般水準，但隨定食附送黎計，算有交代。
炸蠔 ($48)：一碟5隻，炸漿厚較，蠔既質素只屬一般，對近期食過既炸蠔以相約價錢作比較，萬豚屋既炸蠔較新鮮同大隻，炸漿厚度適中。
黑海膽併藍鰭吞拿魚蓉定食 ($175)： 海膽既size & texture都ok，但有少少腥味。吞拿魚蓉保持一貫水準，無筋，夠新鮮，正！ 但飯方面，未知係米種既問題定其他因素，飯既粘性不足，但都夠香軟，不錯！
總括而言：要我用$175食呢個聲稱新鮮運到既黑海膽，我就覺得唔值！尤其menu上有特別介紹呢個新鮮運到既黑海膽，會令人有所期待，但未知係季節問題定係貨源問題，水準只屬一般，反而令人希望越大失望越大。特別一提係，鎮店之寶藍鰭吞拿魚蓉定食既吞拿魚蓉越來越少，令人不禁心想：藍鰭吞拿魚‧請加快成長！！哈哈
張貼
