影片
更多
2020-04-23
562 瀏覽
港島區特別多非連鎖式既越南餐廳,我呢個越南pho迷趁住放假黎清一清我既pho店list.今日就黎到中環區呢間pho bar到打下卡.店內提供既食物一張紙睇晒,內裏主要以bar枱形式感覺有幾分似日本拉麵店,雖然係以bar枱既形式但唔會覺得好狹窄.最內面亦有2入枱可以坐.bar枱對住既牆避油上色彩鮮艷既壁畫.所有麵類都可以自選要邊幾款配料,可以迎合唔同人既喜好.係未點菜之前餐廳會送上一小杯青檸及辣椒用黎放入pho內.生熟美國頂級牛肉,半熟半生既牛肉份量慷慨,牛肉片雖然係薄切但咬落唔會失去肉本身既咬勁之餘又唔過靭,入口帶淡淡牛香味.牛肉唔肥膩,入湯後湯底湯面唔會起上油脂層,仍然都係咁清唔會變得肥膩同混濁,金邊粉比起河粉幼身但吸湯力較強,香濃既牛湯底好快將金邊粉染上湯底既顏色,入口比河粉爽彈堅靭,夾起上黎都無咁易散開或斷開.至尊果然係至尊,內裏足5款配料.除左生熟牛肉片外仲有牛腩,牛肉丸,牛柏葉同札肉.牛腩煮得夠腍咬落又香.湯底同上,呈深啡色入口清而不濁帶好香既牛骨味,湯內加上金不換獨特既香味同炸蒜後令湯底既香味更突出,係食前加少少青檸汁令成碗牛湯變得更清爽.河粉較闊身,雖然河粉滑溜但夾起上黎
店內提供既食物一張紙睇晒,內裏主要以bar枱形式感覺有幾分似日本拉麵店,雖然係以bar枱既形式但唔會覺得好狹窄.最內面亦有2入枱可以坐.bar枱對住既牆避油上色彩鮮艷既壁畫.
所有麵類都可以自選要邊幾款配料,可以迎合唔同人既喜好.係未點菜之前餐廳會送上一小杯青檸及辣椒用黎放入pho內.
生熟美國頂級牛肉,半熟半生既牛肉份量慷慨,牛肉片雖然係薄切但咬落唔會失去肉本身既咬勁之餘又唔過靭,入口帶淡淡牛香味.
牛肉唔肥膩,入湯後湯底湯面唔會起上油脂層,仍然都係咁清唔會變得肥膩同混濁,
金邊粉比起河粉幼身但吸湯力較強,香濃既牛湯底好快將金邊粉染上湯底既顏色,入口比河粉爽彈堅靭,夾起上黎都無咁易散開或斷開.
至尊果然係至尊,內裏足5款配料.除左生熟牛肉片外仲有牛腩,牛肉丸,牛柏葉同札肉.牛腩煮得夠腍咬落又香.
湯底同上,呈深啡色入口清而不濁帶好香既牛骨味,湯內加上金不換獨特既香味同炸蒜後令湯底既香味更突出,係食前加少少青檸汁令成碗牛湯變得更清爽.
河粉較闊身,雖然河粉滑溜但夾起上黎唔易夾斷,掛湯能力亦強.
炸春卷外面用上網絲春卷皮,咬落好鬆化又唔會油淋淋.內裏帶肉絲同芋頭帶淡淡芋香.
張貼
