影片
更多
2017-05-20
91 瀏覽
早幾日約朋友係尖沙咀一齊食lunch，本身諗唔到食咩餐廳，經過重慶大廈就突發奇想，想入去試試正宗既咖喱味道！ 朋友話佢有其他朋友講過，有間最出名既咖喱餐廳係7樓，咁我地就膽粗粗行左入去重慶大廈喇 我地完全唔識路，但直行就見到詢問處，問保安叔叔點去7樓間咖喱餐廳，佢轉頭就叫左個外藉哥哥仔黎同我地帶路，咁我地就跟佢行去搭lift喇係等lift個陣佢比左一張VIP會員卡我地，上面寫住出示會員卡就有9折優惠，未幫襯先拎到折扣，突然覺得今次既嘗試好抵到左7樓見到大大既指示牌指住左邊，向左行就到架喇！可能因為係午後時間，一推門入去發現客人都唔係好多，而店員同老闆就一齊坐低休息緊，雖然面積不大，但個環境都幾乾淨企理，有一種家庭餐廳既感覺老闆見到我地入黎就即刻比左menu我地睇，估唔到咖喱都有咁多種類，真係好有驚喜！我同朋友揀左好耐都未揀到，最尾參考下附近食客既選擇，再睇返menu啲圖，叫左五樣食物以上係menu既其中三版，淨係呢三版已經令人好難選擇！落單後，第一樣上枱既食物係小食，我地點左胡椒威化餅塊餅係見到有好多胡椒碎係入面，但我就唔係好食得出陣胡椒既味，不過都唔緊要，因為呢塊脆卜卜既餅，係要點圖
係等lift個陣佢比左一張VIP會員卡我地，上面寫住出示會員卡就有9折優惠，未幫襯先拎到折扣，突然覺得今次既嘗試好抵到左7樓見到大大既指示牌指住左邊，向左行就到架喇！
可能因為係午後時間，一推門入去發現客人都唔係好多，而店員同老闆就一齊坐低休息緊，雖然面積不大，但個環境都幾乾淨企理，有一種家庭餐廳既感覺老闆見到我地入黎就即刻比左menu我地睇，估唔到咖喱都有咁多種類，真係好有驚喜！我同朋友揀左好耐都未揀到，最尾參考下附近食客既選擇，再睇返menu啲圖，叫左五樣食物
以上係menu既其中三版，淨係呢三版已經令人好難選擇！
落單後，第一樣上枱既食物係小食，我地點左胡椒威化餅塊餅係見到有好多胡椒碎係入面，但我就唔係好食得出陣胡椒既味，不過都唔緊要，因為呢塊脆卜卜既餅，係要點圖中青色既醬食架！
呢個醬其實我唔知佢叫咩名堂，但一入口就食到薄荷味，然後就係覺得好辣！我本人就係無辣不歡既人，呢個醬好似平平無奇咁，但其實係成餐飯入面我覺得最辣既野配威化餅食都幾夾，我覺得大家都可以試下
我地叫左兩款咖喱，同兩款薄餅
呢個係特色香料雞，本人勁推介！！因為我係非常鍾意食雞肉既，呢個雞肉做得勁滑！本身我見到顏色咁紅，以為會好辣，但其實只係少少辣，呢個紅色係佢用左好多香料煮成既，我自己一個都差唔多食哂成碟，個醬汁用黎搽上薄餅食係非！常！夾！ 真心講，呢個真係勁好食，已經唔知可以點形容對佢既喜愛，我同朋友講之後我會再幫襯，就係因為呢個特色香料雞，哈哈
呢個唔記得叫咩名，老闆上菜個陣話今次比左啲白汁落去煮，我自己睇就覺得係平時出街食既咖喱牛腩，大家可以係menu睇返最近似既菜名 呢個咖喱係唔辣既，反而有少少甜，但同日式咖喱係唔同架！可能因為好似老闆咁講，加左啲白汁，另外食個陣食到有菠蘿，平衡左重口味既咖喱，而牛腩亦煮得唔韌，甜甜地用黎點薄餅，好快就食哂一塊
食咖喱，點少得印度薄餅呢？呢個就係蒜蓉薄餅喇！印度餐廳既薄餅好似韌韌既酥皮咁，呢個雖然表面睇到好多料，但因為我先試咖喱，令到我食唔到佢既蒜蓉味
最後就係芝士薄餅喇上枱個陣見到有啲油係面，令我一度以為點錯左牛油薄餅，但朋友話呢個係芝士薄餅黎，正如我頭先所講，因為咖喱太濃味，原諒我食唔出薄餅既味道所以各位為食既朋友，如果你地黎幫襯，建議你地先食半塊薄餅，再將餘下既薄餅撕成小塊，點咖喱醬汁食，咁樣就perfect喇！
最後，呢間餐廳既服務真係唔錯，老闆上菜比我地個陣，見我地好似好疑惑咁都會講返比我地知個菜式有咩特別既地方，例如佢話個咖喱牛腩另外加左少少白汁比我地咁，真係覺得好貼心！我地食飯個陣可能撞正佢地既飯後休息時間，成間餐廳既店員同老闆都坐埋一張枱食水果同傾計，真係好有家庭餐廳既感覺到最後，我地埋單走個陣，帶我地上去餐廳既哥哥仔送我地出餐廳門口，仲塞多張會員卡比我地話一人一張 老實講我平時去餐廳唔會點咖喱，因為我本人其實唔鍾意食日式咖喱既，但呢間餐廳真係令我非常驚喜，好有臥虎藏龍既感覺，已經有其他朋友話要我帶佢地黎食高質咖喱喇！
張貼
