影片
更多
2012-06-27
279 瀏覽
4月30日, 去完旅行, 假期繼續放! 難得今日平日, 同呀比行咗去街市搵野食! 本身諗住食間性格泰國野, 點知佢有性格得滯無開! 我地於是即時轉場過隔離烤爐食印度野~ 呢度set lunch只在逢星期一至五提供, 包餐湯、主菜、飯或烤餅同埋餐飲~ 由廚房至櫃面都由印度人主理, 咖哩口味夠晒正宗!::: 咖哩羊肉 ::: $45餐湯係帶點中式風味類似粟米羹咁嘅濃湯, 味道亦同粟米羹差唔多~ 不過除咗粟米同蛋花之外, 呢個湯仲有d粉絲喺入面, 增添些少爽口感~ 都幾好味!原本以為咖哩羊肉會係一片片咁樣, 點知原來係一舊舊嘅肉粒. 外表似腩位, 但其實有d偏瘦, 所以肉質咬落都偏實, 但羊臊味濃~ d咖哩又入晒味~ 薯仔質地夠粉亦煮得夠粉腍, 好好味! 咖哩質地濃杰適中, 有好多重香料味, 味道濃烈帶少辣, 非常惹味!食印度咖哩梗係要配烤餅一齊食先夠風味啦! 呢度嘅烤餅做得相當正宗~ 即叫即整夠晒新鮮熱辣! 塊塊都脹卜卜, 外層焦香, 內裡軟熟煙韌又有麵粉香~ 點埋咖哩汁一流! 每人四大塊真係唔驚唔夠飽!餐飲如果要轉飲mango lassi嗰d特飲要加成$22! 而我地又唔係特別想飲印度飲
::: 咖哩羊肉 ::: $45
餐湯係帶點中式風味類似粟米羹咁嘅濃湯, 味道亦同粟米羹差唔多~ 不過除咗粟米同蛋花之外, 呢個湯仲有d粉絲喺入面, 增添些少爽口感~ 都幾好味!
原本以為咖哩羊肉會係一片片咁樣, 點知原來係一舊舊嘅肉粒. 外表似腩位, 但其實有d偏瘦, 所以肉質咬落都偏實, 但羊臊味濃~ d咖哩又入晒味~ 薯仔質地夠粉亦煮得夠粉腍, 好好味! 咖哩質地濃杰適中, 有好多重香料味, 味道濃烈帶少辣, 非常惹味!
食印度咖哩梗係要配烤餅一齊食先夠風味啦! 呢度嘅烤餅做得相當正宗~ 即叫即整夠晒新鮮熱辣! 塊塊都脹卜卜, 外層焦香, 內裡軟熟煙韌又有麵粉香~ 點埋咖哩汁一流! 每人四大塊真係唔驚唔夠飽!
餐飲如果要轉飲mango lassi嗰d特飲要加成$22! 而我地又唔係特別想飲印度飲品, 所以我就點返普通飲品凍檸茶~ 茶味濃, 檸檬亦比得慷慨, 所以都幾好飲!
::: 咖哩牛腩 ::: $43咖哩牛腩個咖哩膽其實同咖哩牛肉差唔多, 不過呢個會多返d牛腩腩汁嘅肉味同埋牛油脂香~ 牛腩煲得肉嫩又入味, 同辛香濃惹嘅咖哩襯到絕, 我地覺得呢個汁仲好味過咖哩羊肉! 一同熬煮嘅薯仔除咗索到咖哩汁之外仲有d牛油香, 又係好好味~
凍奶茶冰太多, 而個奶茶本身唔夠凍, 加上奶茶味都幾稀, 所以d冰融得太快, 最後淡而無味…
呢個街市熟食中心都真係臥虎藏龍~ 其實主要係得三間食肆, 一間海鮮小炒、一間泰國菜、另一間就係呢間印度野~ 三間水準都十分唔錯, 而且都係抵食之選! 之前都嚟過食晚飯, 除咗香港人外仲有唔少印度人嚟幫襯, 真係好同聲同氣~ 其他菜式亦都充滿風味!張貼
