影片
更多
2019-11-17
1467 瀏覽
小妹同男朋友👦🏻都好中意食日本野😍🍣🍱, 最近聽朋友講銅鑼灣開左間新嘅日本餐廳就緊係要帶男朋友嚟試下啦😋 餐廳位置鄰近SOGO🛍🏢, 而且有清晰嘅指示牌所以非常容易搵到!一打開電梯門口就見到簡潔雅緻嘅日式玄關, 環境既寛敞又舒適! 店員安排左我地坐係sushi bar前面, 可以邊食邊望住師傅準備食物嘅過程! Lunch Set Menu共有13款可以選擇, 生熟皆有, 最後我地就點左個嚴選壽司🍣定食同北海道市場精選丼🍱!前菜沙律🥗煙燻鴨胸肉質鮮嫩, 沙律酸酸甜甜幾開胃!茶碗蒸🥚蒸蛋滑嫩軟熟, 內有雞肉冬菇蟹肉等材料, 味道鮮甜嚴選壽司10貫+手卷1本🍣嚴選壽司係由師傅👨🏻🍳去選取當日最優質時令嘅食材而製作嘅壽司🍣, 一件一件係你面前整, 食完一件師傅先會再整下一件, 等你慢慢品嚐, 完全係具視覺同味覺嘅享受!😋👍🏻 鱲魚壽司（左上）深海池魚壽司（右上）甘目鯛壽司（左下）帆立貝壽司（右下）伊佐木魚壽司（左上）醬油漬吞拿魚壽司（右上）黑松露甜蝦壽司（左下）鰈魚壽司（右下）金箔Toro壽司（上）北海道馬份海膽壽司（左下）蔥Toro手卷（右下）食材肉質鮮美細膩, 鱲魚, 深海池魚, 甘目鯛
前菜沙律🥗
煙燻鴨胸肉質鮮嫩, 沙律酸酸甜甜幾開胃!
茶碗蒸🥚
蒸蛋滑嫩軟熟, 內有雞肉冬菇蟹肉等材料, 味道鮮甜
嚴選壽司10貫+手卷1本🍣
嚴選壽司係由師傅👨🏻🍳去選取當日最優質時令嘅食材而製作嘅壽司🍣, 一件一件係你面前整, 食完一件師傅先會再整下一件, 等你慢慢品嚐, 完全係具視覺同味覺嘅享受!😋👍🏻
鱲魚壽司（左上）
深海池魚壽司（右上）
甘目鯛壽司（左下）
帆立貝壽司（右下）
伊佐木魚壽司（左上）
醬油漬吞拿魚壽司（右上）
黑松露甜蝦壽司（左下）
鰈魚壽司（右下）
金箔Toro壽司（上）
北海道馬份海膽壽司（左下）
蔥Toro手卷（右下）
食材肉質鮮美細膩, 鱲魚, 深海池魚, 甘目鯛, 帆立貝伊佐木魚同鰈魚嘅口感清爽帶有回甘, 甜蝦鮮甜甘香, 質感嫩滑帶有粘粘嘅口感, Toro油脂豐富, 入口即溶, 馬糞海膽質感綿密細緻, 味道鮮甜幼滑, 每件壽司嘅食材都相當足量, 而且師傅仲會係某幾款壽司上加入如金箔, 黑松露, 柚子等作點綴, 除左令食物賣相更高貴外, 仲提升左味道嘅層次感!☺️
北海道市場精選丼
師傅會首先附上柚子薑片作開胃菜, 代替傳統嘅子薑, 令味蕾感覺更清新!👍🏻 至於E碗北海道市場精選丼, 可以話係不!得!了!😋😋 師傅混合左北海道米同新潟米作為飯底, 伴以玉子絲, 蟹柳絲, 用醬油微微醃制過既冬菇絲及蘿蔔片, 將食材連同白醋米飯一齊食, 完全釋出微甜微咸既感覺👍🏻 刺身方面, 馬糞海膽只需要用一個字嚟形容: 鮮!!!😋 用自家製醬油醃制嘅三文魚子亦係重點之一! 粒粒都新鮮可口而且咸味適中👍🏻 另外帶子, 蝦同鱲魚都非常肥美而且鮮甜爽口有彈性😋
味噌湯🥣
椰子雪糕🥥🍦
雪糕有淡淡嘅椰子香, 味道香甜清新, 入面仲有炒香過嘅椰絲, 非常有口感!
黑糖蜜蕨餅配日本紅豆
沾滿左黃豆粉嘅蕨餅口感軟糯, 紅豆甜軟滋味!
總結: 食材新鮮, 食物味美, 十分高質嘅午餐。另外環境清靜舒適, 店員服務態度良好, 非常推介!😋👍🏻
張貼
