Rondavy's Artisan Kitchen (已結業)

整完gel甲想食個快飯，响附近搵間上樓嘢。去到已經一點半，零人，等於自己包場影相😎環境、餐具靚，嘢食上嘅速度幾好，唔會太快或慢，服務好細心。加咗個南瓜湯、白松露牛角包。冇諗過白松露牛角包外脆內鬆軟，一上枱已聞到好香，我唔好croissant都覺得超級好味。南瓜湯頗幼滑帶淡淡南瓜甜，上面嘅香草帶來一抹清新，不俗。Parma ham with pesto penne香但略鹹，而長通粉可以再彈牙啲，不過都唔錯。杯latte淡口，泡唔算太滑但挺身，襯佢啲甜品幾好。唔知點解送多兩件比我，共有3件：荔枝慕絲蛋糕帶淡荔枝味又香滑，中間層啫喱令口感特別。綠茶鬆餅係真綠茶味，夠鬆唔硬。我不嬲唔食嘅香蕉味蛋糕，味道唔假，又軟又濕。