Le Dessert Palais (已結業)

呢間甜品店嘅裝修以夢幻嘅白色為主，令人感覺純潔之餘，仲帶啲浪漫嘅風格所以非常適合情侶，好友黎聚會！店鋪最特別嘅係心情甜品，印象中一共有9款我就揀左”開心”，粉紅色圓形大波波外脆內軟，仲要係入口即溶架之後上網Search，原來係用士多啤梨配巴戈利亞奶油青檸蛋白以60℃焗7～8個中而成嘅，同埋因為係低溫烘焙，先可做到咁。而內層就有士多啤梨雪芭，酸酸地，無咩特別！到最底層就有士多啤梨粒同意大利軟芝士果仁芭菲，你可以加上士多啤梨或白朱古力醬。而我就揀左後者，因為食起黎變得甜甜酸酸，會無咁容易覺得膩！而且呢到有好多唔同味嘅水果茶，有得一杯或者一Jar咁叫。但係一Jar 2個人Share個分量又真係岩岩好，分起黎，每人都會有兩杯左右。價錢仲比一杯咁Order相對平得多於是我就叫左一Jar”Love Story"，我其實係比個名吸引住，而且見到Meun介紹有小紫蘇，橙汁，水蜜桃粒同果蓉。不過飲落去酸酸甜甜，但係橙味就比較重，如果多少少水蜜桃味就會更加好喇，因為我中意水蜜桃多啲！