Lex Coffee (已結業)

聽朋友講堅尼地城有間集藝術、精品咖啡、西餐同甜品嘅一間特色餐廳，今日就過去欣賞下。除咗欣賞下藝術展品，當然仲要醫下肚仔啦，點咗一款主食同少量甜品。我個人認為Lex Coffee最厲害嘅地方唔係佢哋嘅藝術展品，亦唔係優雅舒適嘅環境，而係食物嘅外觀，上碟嘅每款食物，對比Menu上嘅相片，還原度高達98%，確實令人驚訝。慢煮三文魚扒：慢煮再煎香嘅三文魚扒，外面香脆，魚肉嫩滑 。配搭埋三文魚籽，變成咗一入親子扒。雨衣甘藍同三文魚都好夾，成道菜式嘅美觀又好食，營養價值又高。斯人若彩虹。遇見方知有：好長好長嘅名字，其實依道菜係响一塊脆麵包上，擦滿咗朱古力榛子醬，再鋪上士多啤梨、棉花糖、杏仁片、薄荷片同鮮花。我就唔太明白菜式名嘅含意，只知道一啖放入口，整體來講有種好幸福、滿足嘅感覺。Tiramisu：一個好經典嘅意大利甜品，要做得好食一啲麵唔容易。依個Tiramisu嘅冧酒味好夠，整體都唔錯。Crème Brûlée：香脆的焦糖糖衣，再加上杏仁片同鮮花，未食已經流晒口水。焦糖糖衣厚薄適中，custard十分軟滑，可以話相當唔錯。Blood Orange Iced Black Tea：依個係由橙、葡萄